Goa Crime: भला मोठा दगड घालून एटीएमची केली मोडतोड

Goa Crime: हळदोणे येथे चोरीचा प्रयत्न फसला
Goa Crime News | Goa News
Goa Crime News | Goa News Dainik Gomantak

Goa Crime: एसबीआय बँकेचे हळदोणे येथील एटीएम दगड घालून फोडण्याचा प्रयत्न अज्ञात युवकाने केला. मात्र, त्यातून तो पैसे काढू शकला नाही. परंतु युवकाच्या या कारनाम्यामुळे एटीएम व कक्षाचे मिळून बँकेचे पाच लाख रुपयांचे नुकसान झाले. बँक व्यवस्थापक ए. दिवाकर राव यांच्या तक्रारीनुसार, म्हापसा पोलिसांनी गुन्हा नोंद केला आहे.

शुक्रवारी सकाळी 10 वाजण्याच्या सुमारास ही घटना उघडकीस आली. या एटीएममध्ये गेलेल्या ग्राहकाच्या निदर्शनास हा प्रकार आला. त्याने हा प्रकार बँक कर्मचाऱ्यांच्या कानी घातला. एटीएम मशीन आणि त्याच्या स्क्रिनवर भला मोठा दगड घालण्यात आला होता.

युवकाचा कारनामा कॅमेऱ्यात कैद :

एटीएम कक्षामध्ये एक युवक शिरतो. एटीएमवर भला मोठा दगड घालतो आणि त्याची मोडतोड करतो, हा प्रकार सीसीटीव्ही कॅमेऱ्यामध्ये कैद झाला आहे. दगड घालूनही मशीन न उघडल्यामुळे त्या युवकाला पैशांची चोरी करता आली नाही. सीसीटीव्ही फुटेजच्या आधारे पोलिस अधिक तपास करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com