Goa Latest News: म्हापसा येथील बार्देश बाजार ग्राहक सहकारी सोसायटीचे चेअरमन धर्मा चोडणकर यांच्या विरुद्ध दाखल झालेला अविश्वासाचा ठराव 9 विरुद्ध 4 मतांनी समंत झाला. त्यामुळे माजी आमदार धर्मा चोडणकर यांना अध्यक्षपदावरून पायउतार व्हावे लागले.
चोडणकर हे इतर संचालकांना विश्वासात घेत नाहीत. हुकूमशाही पद्धतीने वागतात, असे काही आरोप या निवेदनात करण्यात आले होते. 8 रोजी सदर अविश्वास ठरावाचे निवेदन उपनिबंधक हरिष नाईक यांना सादर करण्यात आले होते. त्यांनी 28 नोव्हेंबर रोजी खास बैठकीचे आयोजन करून या विषयांवर चर्चा करून निर्णय घेण्याचा आदेश दिला.
त्यानुसार आज 28 नोव्हेंबर रोजी सकाळी 11 वा. निर्वाचन अधिकारी रामेश्वर दाभोळकर व राजेश गांवकर यांच्या अधीपत्याखाली झालेल्या बैठकीस 14 पैकी 13 संचालक उपस्थित होते. त्यातील 9 जणांनी अविश्वास ठरावाच्या बाजूने तर 4 संचालकांनी विरोधात मतदान केले. एक संचालक या बैठकीस अनुपस्थित होता.
ठरावाच्या बाजूने खुद्द उपाध्यक्ष चंद्रकांत शेटगावकर, रघुवीर देसाई, शशिकांत कांदोळकर, प्रमोद कर्पे, बापू तुयेकर, अँड. पूनम नाईक आजगावकर, नारायण राटवड, निखिल खलप, व निर्मला खलप यांनी मतदान केले. तर विरोधात धर्मा चोडणकर, महादेव नाटेकर, एकनाथ नागवेकर, व गोकुळदास शिरोडकर यांनी मतदान केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
