Goa News: नागरी पुरवठा खात्याच्या गोदामात सडलेली तूरडाळ आणि खराब झालेल्या साखरेच्या गंभीर प्रकरणानंतर आता नागरी पुरवठा खात्याचा माल स्वस्त धान्य दुकानात न जाता परस्पर बाहेर व्यापाऱ्यांना विकला जातो, अशा तक्रारी आल्या होत्या.
त्यानुसार बुधवारी नागरी पुरवठा खात्याच्या अधिकाऱ्यांनी केपे येथील गोदामाची आकस्मिक तपासणी केली असता 155 गोण्या तांदूळ अतिरिक्त मिळाल्याने या खात्याचे केपेचे निरीक्षक गोरख राजाध्यक्ष यांना निलंबित केले.
हा अतिरिक्त साठा का ठेवला होता त्याची सखोल चौकशी केली जाणार असल्याचे सांगण्यात आले. नागरी पुरवठा खात्याचे संचालक गोपाळ पार्सेकर यांनी गोदामप्रमुख महादेव रेड्डी यालाही निलंबित केल्याची माहिती दिली. दरम्यान, यापूर्वी सडलेली तूरडाळ आणि खराब झालेल्या साखरेच्या प्रकरणात या खात्याच्या माजी संचालकांना कारवाईस सामोरे जावे लागले होते.
आता तांदळाच्या साठ्यामुळे पुन्हा एकदा हे खाते चर्चेत आले आहे. स्वस्त धान्य दुकानासाठी पुरविण्यात येणारा माल कर्नाटकआणि महाराष्ट्रातील व्यापाऱ्यांना विकला जातो, अशा तक्रारी होत्या.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.