पणजी : गोवा वैद्यकीय महाविद्यालय इस्पितळात दाखल असलेल्या रुग्णांना वैद्यकीय प्राणवायूचे सिलिंडर पुरवणाऱ्या काँग्रेसच्या कार्यकर्त्यांची फसवणूक केली जात असल्याचा आरोप गोवा प्रदेश कॉंग्रेस समितीचे अध्यक्ष गिरीश चोडणकर यांनी केला आहे. रुग्णांना मदत करण्यात सरकार अपयशी ठरत असल्यामुळेच स्वयंसेवी संस्था आणि इतरांना मदत करण्यासाठी पुढे यावे लागत आहे अशी टीका त्यांनी केली आहे. (Goa Medical College is cheating workers supplying oxygen cylinders: Girish Chodankar)
गिरीश चोडणकर यांनी दिलेल्या माहितीनुसार, काँग्रेसचे प्रदेश उपाध्यक्ष जनार्दन भंडारी युवक काँग्रेसचे प्रदेश अध्यक्ष ॲड. वरद म्हार्दोळकर आदींना आगशी पोलीस ठाण्यात चौकशीसाठी बोलावण्यात आले आहे. बांबोळी येथील गोवा वैद्यकीय महाविद्यालय इस्पितळ हे आगशी पोलीस ठाण्याच्या हद्दीत येते. काँग्रेसचे हे नेते कालपासून गोवा वैद्यकीय महाविद्यालय इस्पितळात दाखल असलेल्या रुग्णांना वैद्यकीय प्राणवायू चे सिलेंडर पुरवण्याच्या कामात मदत करत होते.
गिरीश चोडणकर यांनी मुख्यमंत्र्यानी असले खालच्या पातळीवरील राजकारण करण्यापेक्षा स्वतः डॉक्टर या नात्याने गोवा वैद्यकीय महाविद्यालय इस्पितळात रुग्ण सेवा करण्यासाठी रुजू व्हावे असा सल्ला दिला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.