वीजमंत्री नीलेश काब्राल यांनी घेतली समस्यांची दखल; तिमाहीत प्रश्न मार्गी लावण्याची तयारी

Goa Minister Nilesh Cabral prepared to sort out problems in quarter
Goa Minister Nilesh Cabral prepared to sort out problems in quarter

पणजी: वीज खात्याला खात्यांतर्गत मुख्य अभियंता मिळावा, अशी सरकारची इच्छा आहे. वीजमंत्री नीलेश काब्राल यांनी खात्यांतर्गत रखडलेल्या बढत्या आणि इतर प्रश्नांत लक्ष घातले आहे. येत्या तिमाहीत खात्यातील प्रश्न सोडवण्याचा प्रयत्न त्यांनी सुरू केले आहे. मात्र अनुभवाची अट शिथिल करण्याच्या पक्षाचे ते नाहीत.

वीज खात्यातील कर्मचाऱ्यांच्या समस्यांवर काब्राल यांनी अहवालच तयार करून घेतला आहे. त्यानुसार अनेक कामचुकार कर्मचाऱ्यांची माहितीही त्यांनी संकलित केली आहे. ज्या पदावरील कर्मचाऱ्याने खांबावर चढणे आवश्यक आहे, तो कर्मचारी कार्यालयातच बसून वेतन कसे घेतो, याची माहितीही त्यांनी मिळवली आहे, अशा कर्मचाऱ्यांवर कारवाई करावी. त्यांना वीज खात्याच्या सेवेतून मोकळे करावे यासाठी त्यांनी मध्यंतरी प्रयत्न सुरू केले होते. मात्र त्यांना त्यात अनेक कारणांमुळे यश आले नाही.

आता काब्राल यांनी अभियंत्यांच्या प्रश्नांकडे लक्ष पुरवणे सुरू केले आहे. हा प्रश्न अधिक जटिल न होता सोडवला गेला पाहिजे असे त्यांना वाटते. यासाठी त्यांनी प्रश्नांविषयी मूलभूत माहिती गोळा करणे सुरू केले आहे. अभियंत्यांशी बोलून यातून मार्ग काढण्याचा त्यांचा प्रयत्‍न आहे. अमुक वर्षी हे झाले नाही म्हणून आता हा प्रश्न उभा राहिला अशी कारणमीमांसा करत बसण्यापेक्षा आता काय केले पाहिजे याकडे त्यांनी लक्ष पुरवणे सुरू केले आहे. त्यामुळे येत्या काही महिन्यात अभियंत्यांचा लटकलेला प्रश्न मार्गी लागण्याची चिन्हे आहेत.

संपादन: ओंकार जोशी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com