पणजी: सकाळच्या प्रहरात काही ठिकाणी पावसाने (Goa Monsoon Updates) हजेरी लावली होती. त्यानंतर मात्र पावसाने उसंत दिल्याने भक्त घराबाहेर पडले. गणपती बाप्पांचे (Ganapti) आगमन झाल्यापासून राज्यात सलग चार दिवस पावसाचा जोर कायम आहे. त्यामुळे गणेशभक्तांत उदासीनता होती. पाचव्या दिवशी विसर्जनासाठी बाहेर पडलेल्या गणेशभक्तांना दिलासा मिळाला.
राज्यात काल मंगळवारी केवळ एक इंच पावसाची नोंद झाली. तरीही सरासरी वाढत आहे. कालपर्यंत राज्यात सरासरीत पाच टक्क्यांची वाढ झाली होती. ती सहा टक्क्यांवर पोहचली आहे. आज बुधवारपासून राज्यासह कोकण किनारपट्टीवर पावसाचा जोर ओसरेल. क्वचितच एखाद्या ठिकाणी पावसाच्या सरी कोसळतील, असे हवामान वेधशाळेने म्हटले आहे.
पेडणेत जोरात
राज्यात पावसाचा जोर ओसरत असताना पेडणे परिसराला मात्र पावसाने अक्षरशः झोडपून काढले. पेडणे पर्जन्यमापन केंद्रावर तब्बल 3.6 इंच पावसाची नोंद झाली. सांगे आणि वाळपई या पर्जन्‍यप्रवण भागात पावसाचा जोर होता. वाळपईत 1.5 तर सांंगेत 2.5 इंच पाऊस झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
