Goa Festival: प्रकाशाकडे वाटचाल करा -लक्ष्मीकांत पार्सेकर

Goa Festival: दीपदान उत्साहात : मधलावाडा-पार्सेत नौकानयन स्पर्धा
Laxmikant Parsekar | Goa News
Laxmikant Parsekar | Goa News Dainik Gomantak

Goa Festival: जीवनातील अंधार दूर करून प्रकाशाकडे वाटचाल करणे, हेच खरे प्रकाश पर्व आहे. अंधार नाहीसा करण्यासाठी अंतरंग स्वच्छ व शुद्ध असावे लागते. प्रकाश हे एक तत्व आहे व हे तत्व आत्मसात करावे, असे मत माजी मुख्यमंत्री लक्ष्मीकांत पार्सेकर यांनी व्यक्त केले.

श्री महागणपती कला व सांस्कृतिक संस्था हरिहरेश्वर मंदिर मधलावाडा, पार्से येथे आयोजित कार्तिकी त्रिपुरारी पौर्णिमा उत्सवानिमित्त नौकानयन स्पर्धा व दीपदान कार्यक्रमात प्रमुख पाहुणे या नात्याने पार्सेकर बोलत होते.

व्यासपीठावर पार्से ग्रामपंचायतीचे सरपंच अजय कळंगुटकर, कमळेश्वर उच्च माध्यमिक विद्यालयाचे माजी प्राचार्य सुदन बर्वे, खास निमंत्रित नवचेतना युवक संघाचे अध्यक्ष कृष्णा पालयेकर, ज्येष्ठ कलाकार गणपत कळंगुटकर, श्री भगवती देवस्थानचे अध्यक्ष साबासाहेब देसाई,माजी सरपंच गुरुदास पांडे, संस्थेचे अध्यक्ष बाबलो आजगावकर आदी उपस्थित होते.

कृष्णा पालयेकर म्हणाले, कलाकारांसाठी या बोटी प्रेरणास्त्रोत आहेत. विविध रंग आणि आकाराच्या बोटी बनवून कलाकार आपली कला प्रदर्शित करतात. सुदन बर्वे म्हणाले, त्रिपुरारी पौर्णिमा हा उत्सव भारतात आनंदोत्सव म्हणून साजरा केला जातो.

कार्तिक पौर्णिमेला त्रिपुरी किंवा त्रिपुरारी पौर्णिमा संबोधले आहे. त्रिपुरासूराचा वध केल्याचा आनंद दिवे लावून व प्रज्वलित दीप नदीच्या पाण्यात सोडून (दीपदान) व्यक्त केला जातो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com