Morjim: मांद्रे मतदारसंघातील विजेची समस्या सोडवण्यासाठी मांद्रे जूनसवाडा या ठिकाणी नवीन उपवीज केंद्र उभारण्यात येत आहे. त्याच बरोबर भूमिगत वीज केबल घालणाऱ्या कंत्राटदाराची सध्या मागच्या तीन महिन्यापासून मनमानी सुरू असून हवे, तेव्हा काम सुरू केले जाते.
त्यामुळे या रस्त्यावर नेहमीच वाहतूक कोडी होत आहे. काल आगरवाडा रस्त्यांवर बराच वेळ वाहतूक कोंडीमुळे रस्ता बंद होता. वाहन चालकांना धुळीचे साम्राज्य आणि खड्ड्यावरून प्रवास करावा लागत आहे. त्याबद्दल नागरिक तीव्र संताप व्यक्त करताना दिसत आहेत.
21 रोजी कंत्राटदारांने अडथळा निर्माण केल्यामुळे आगरवाडा-पार्से येथे जाणाऱ्या मुख्य रस्त्यावर काल तीन तास वाहन चालकांना दोन्ही बाजूंनी उन्हात ताटकळत उभे राहावे लागले. मागच्या दोन महिन्यांपासून मांद्रे मतदारसंघातील मुख्य रस्ते जे रस्ते चकाचक होते ते रस्ते खड्डेमय आणि प्रदूषणमय करण्याचे काम सध्या वीज खात्याच्या भूमिगत केबल घालणाऱ्या कंत्राटदाराने करून टाकलेले आहेत.
कडक कारवाई करा
जंक्शनवरच मोठ्या प्रमाणात जेसीबीचा वापर करून दिवसा रस्ता खोदकाम करण्याचे काम कंत्राटदार मनमानी पद्धतीने करून नागरिकांना मनस्ताप देत आहे. अशा कंत्राटदारावर कडक कारवाई करण्याची गरज आहे, असे अागरवाडा येथील ग्रामस्थांचे मत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
