पणजी : गोव्यातील नगरपालिका निवडणूक 20 मार्चला घेण्यात येणार आहे. गोवा राज्य निवडणूक आयुक्त चोखा राम गर्ग यांनी आज पत्रकार परिषद घेऊन ही माहिती दिली. पणजीसह इतर 11 पालिकांसाठीची निवडणूक 20 मार्चला पार पडणार असून, मतमोजणी 22 मार्चला होणार आहे. याच पार्श्वभूमीवर गोव्यात आजपासूनच आचारसंहिता लागू करण्यात आल्याची माहिती राज्य निवडणूक आयुक्त चोखा राम गर्ग यांनी दिली.
दरम्यान, गोवा नगरपालिका निवडणूकीसाठी प्रभागनिहाय आरक्षण आधीच जाहीर झाले आहे. त्यात घोळ झाल्याचा आरोप खुद्द भाजपच्या काही नेत्यांनी केला होता. या पार्श्वभूमीवर आगामी काळात विरोधी पक्ष काय भूमिका घेतात, याकडे लक्ष लागून आहे. मुख्यमंत्री डॉ. प्रमोद सावंत यांनी मागील आठवड्यातच गोवा नगरपालिका निवडणुकच्या पार्श्वभूमीवर पूर्ण झालेल्या विकासकामांचे लवकरात लवकर लोकार्पण करण्याचे आदेश दिले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.