नाश्नोळा हळदोणा येथील सिध्दी नाईक यांचा संशयास्पद मृत्यू हा खुनाचा प्रकार असून सिध्दीचे वडील संदीप नाईक यांनी याबाबतीत खुनाची तक्रार कळंगुट पोलिसांत दाखल केली आहे.
यावेळी त्यांच्यासमवेत बायलांचो एकवोटच्या श्रीमती आवडा वियेगश उपस्थित होत्या. या संशयास्पद मृत्यूचा तपास संथपणे चालल्याचे तक्रारीत नमूद करण्यात आले आहे. या संशयास्पद मृत्युबाबतीत कळंगुट पोलिस हलगर्जीपणा करत असल्याचा आरोप सिध्दीचे वडील संदीप नाईक यांच्याकडून आपल्या तक्रारीत केला आहे.
सिद्धी नाईक हिच्या मृत्युप्रकरणी वेगवेगळ्या दोन पोलिस स्थानकातून होत असलेला तपास, जबानीत विसंगती व सखोल चौकशीसाठी समाजातून होणारी मागणी यामुळे या प्रकरणाची चौकशी विशेष तपास पथकामार्फत (SIT) करण्याच्या हालचालींना वेग आला आहे. अनुभवी व वरिष्ठ महिला पोलिस अधिकाऱ्याकडे ते दिले जाण्याची शक्यता आहे. विविध समाज घटक व आगामी निवडणुकीच्या पार्श्‍वभूमीवर या प्रकरणाचा विरोधकांकडून वाढत चाललेल्या आक्रमकतेमुळे सरकारकडून सावध पावले उचलण्यात येत आहेत.
दरम्यान, सिद्धी नाईक हिचा मृतदेह अर्धनग्न अवस्थेत कळंगुट समुद्रकिनाऱ्यावर सापडला होता. त्यावेळी पोलिस अधीक्षक, उपअधीक्षक व निरीक्षक यापैकी कोणीही घटनास्थळी गेले नाहीत. एका अननुभवी महिला उपनिरीक्षकाला त्या ठिकाणी पाठवण्यात आले होते. त्यानंतर पोलिसांनी शव चिकित्सा झाल्यानंतर पोलिस सर्जनने (डॉक्टर) तिचा मृत्यू बुडून झाल्याचा निष्कर्ष काढल्यानंतर मृतदेह कुटुंबाच्या ताब्यात दिला गेला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
