Goa Murder Case: तपास यंत्रणेचा पोलीस महासंचालकांनी घेतला समाचार

तज्ज्ञांकडून न्यायवैद्यक अहवालाच्या फेरआढाव्याचे निर्देश
Goa Murder Case
Goa Murder CaseDainik Gomantak

पणजी:  राज्यात (Goa) गाजत असलेल्या सिद्धी नाईक संशयास्पद मृत्यू प्रकरणाच्या (Murder case) तपास यंत्रणेची पोलिस महासंचालकांनी अक्षरशः खरडपट्टी केली असून या प्रकरणाच्या शवचिकित्सा अहवालाची तज्ज्ञ डॉक्टरांकडून फेरआढाव्याचे निर्देश दिले आहेत. तपासासाठी गुन्हे अन्वेषण विभागाची मदत घेऊन गरज पडल्यास ‘एसआयटी’ची (SIT) स्थापना करावी, अशा सूचनाही दिल्या आहेत. दुसरीकडे ओबीसी महासंघाने महिला आयोगाची भेट घेऊन सखोल तपासाची मागणी केली आहे.

सिद्धी नाईक मृत्युप्रकरणी ‘तपास सुरू आहे’ असे म्हणणाऱ्या तपास यंत्रणेचा पोलिस महासंचालकांनी चांगलाच समाचार घेतला. त्यांनी अनेक सूचना आणि निर्देश दिले आहेत. पोलिसांनी सुरुवातीपासूनच पीडितेने आत्महत्या केल्याचा पवित्रा घेतल्याने डॉक्टरांनी गंभीर चुका करीत व्हिसेरा आणि स्वॅब  नमुने घेतले नाहीत. त्यामुळे एक प्रकारे पोलिसांबरोबर डॉक्टरांनीही हा तपास बंदच केला होता. आता या प्रकरणाबाबत समाजातील विविध संस्थांचा दबाव वाढत आहे.

Goa Murder Case
Goa Murder Case: पोलिसांकडून लपवाछपवी, पुरावेही नष्ट

अधिकारी निरुत्तर

आत्महत्येचे अनेक प्रकरण हाताळलेल्या पोलिस महासंचालकांनी, कपडे काढून कोणी आत्महत्या केली होती का ? असा प्रश्न तपास अधिकाऱ्यांना विचारल्यावर तपास अधिकारी निरुत्तर झाले. न्यायवैद्यक इतिहासात अशा घटना नसल्याची माहिती पुढे आली आहे.

Goa Murder Case
Goa Murder Case: समाजमाध्यमांतून संतप्‍त प्रतिक्रिया; 'या प्रकरणाला सरकारच दोषी'

मृत्युबाबत नियमावली

महिलांच्या संशयास्पद कोणत्याही महिलेचा संशयास्पद मृत्यू झाल्यास तातडीने पोलिस निरीक्षक आणि उपअधीक्षकांनी  घटनास्थळी भेट द्यावी अशी यापूर्वीच नियमावली बनवलेली असताना या प्रकरणात या अधिकाऱ्यांनी घटनास्थळी भेटच दिली नाही अशी माहिती आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com