Goa Murder Case: गोमेकॉ इस्पितळाच्या डीनला पत्र

अज्ञात व्यक्तीने तिला समुद्रकिनाऱ्यावर जबरदस्तीने उथळ पाण्यात तोंड आणि नाकपुड्या बंद होतील अशा स्थितीत ती बुडून मरेपर्यंत दाबून ठेवले.
Goa Murder Case
Goa Murder CaseDainik Gomantak

पणजी: नास्नोळा - हणदोणे येथील 19 वर्षीय सिद्धी नाईक हिच्या मृत्युप्रकरणी (Goa Murder Case) संशय व्यक्त करून हत्या झाल्याची तक्रार तिच्या वडिलांनी दाखल केल्यानंतर 24 तास उलटण्यापूर्वीच पोलिस तपासकामाला वेगळे वळण लागले आहे. तज्ज्ञ वैद्यकीय मंडळ स्थापन करून शवविच्छेदन अहवालाच्या आधारे नव्याने या अहवालाचे विश्‍लेषणात्मक मत सादर करण्याचे पत्र कळंगुट पोलिस निरीक्षक नोलास्को रापोझ यांनी गोमेकॉ इस्पितळाचे (GMCH) डीनना पाठवून चेंडू त्यांच्या कोर्टात टाकला आहे.

सिद्धीचा अज्ञात व्यक्तीने तिला पाण्यामध्ये बुडवून खून केल्याचा संशय तक्रारीत व्यक्त केला आहे. या प्रकरणाची दखल महासंचालक मुकेश कुमार मीणा यांनी घेऊन काल घेतलेल्या बैठकीत तपास अधिकाऱ्यांना वैद्यकीय अहवालाचे पुनरावलोकन करून घेण्याची सूचना केली होती. या पत्रासोबत सिद्धीचे वडील संदीप नाईक यांनी दिलेल्या तक्रारीची प्रतही जोडण्यात आली आहे. त्यामध्ये जे मुद्दे उपस्थित केले आहेत त्याची पुन्हा शहानिशा करण्याची विनंती पोलिसांनी केली आहे.

Goa Murder Case
Goa Murder Case: पोस्टमॉर्टम रिपोर्ट माहित नसल्याने पिडितेचे वडिल अंधारातच

सिद्धी नाईक हिच्या मृत्युमागे घातपात नसल्याचे सुरुवातीला वाटले होते मात्र तिच्या मृत्युसंदर्भात उपस्थित झालेले अनेक प्रश्‍न तसेच शवचिकित्सा अहवाल मिळाल्यानंतर तिची हत्याच झाली असल्याचा संशय बळावला आहे. अज्ञात व्यक्तीने तिला समुद्रकिनाऱ्यावर जबरदस्तीने उथळ पाण्यात तोंड आणि नाकपुड्या बंद होतील अशा स्थितीत ती बुडून मरेपर्यंत दाबून ठेवले. त्यामुळे तिचा घातपात झाल्याचे तक्रारीत नमूद केले आहे. तक्रारीत केलेल्या दाव्यांबद्दल पोलिसांनी गोमेकॉ इस्पितळाचे डीन यांच्याकडे स्पष्टीकरण मागितले आहे. त्यामुळे गेले काही दिवस ‘व्हिसेरा’ जपून न ठेवण्यावरून पोलिस व डॉक्टर्स यांच्यात आपापल्यावरील जबाबदारी झटकण्यात येत होती त्याचा पर्दाफाश होणार आहे.

Goa Murder Case
Goa: कर्नाटकने यंदाही म्हादईचा गळा घोटलाच

कळंगुट समुद्रकिनाऱ्यावर सिद्धी नाईक हिचा मृतदेह हाताळताना व्हायरल झालेल्या व्हिडीओवरून अनेक मुद्दे व प्रश्‍न वडील संदीप नाईक यांनी तक्रारीतून मांडले आहेत. ज्या स्थितीत तिचा मृतदेह आढळून आला होता व डॉक्टरांनी दिलेल्या शवचिकित्सेमधील अहवालात विसंगती आहेत. अहवालात तिचे पोट रिकामे होते म्हणजे पोटात पाणी नव्हते. वाळूचे कण स्वरतंतूच्या (व्होकल कॉड) पलीकडे आहेत यावरून ती खोल समुद्रात बुडाली नाही. तिला पोहताही येत नव्हते. तिच्या शरीरातील खुले असलेल्या भागात गेली आहे यावरून ती समुद्रकिनाऱ्यावरील समुद्राच्या पाण्यातच बुडाली आहे. पोलिस अहवालात ज्या जखमा आहे त्याची माहिती अगोदर पोलिसांनी उघड केली नव्हती. या जखमा खोलवर नसल्या तरी खरचटलेल्या आहेत. या सर्व बाबी विचारात घेता तिची हत्याच झाली आहे असा दावा त्यांनी केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com