Goa News: नागोवा पंचायतीद्वारे परप्रांतीयांच्या माहितीचे 'ॲपद्वारे' संकलन!

Goa News: गोव्यात या प्रकारचे माहिती संकलन पहिल्यांदाच होणार आहे.
Goa News | Nagoa Panchayat
Goa News | Nagoa PanchayatDainik Gomantak

Goa News: वेर्णा औद्योगिक वसाहतीला लागून असलेल्या नागोवा पंचायतीने परप्रांतीयांची (Foreigners) माहिती संकलित करण्याचे ठरविले आहे. या पंचायत क्षेत्रात दरवर्षी बाहेरून किती लोक येतात, ते कुठे राहतात, कोणते काम करतात, या सर्वांची डिजिटल पद्धतीने नोंद करण्याच्या ॲपचा त्यासाठी वापर करण्यात येणार आहे.

गोव्यात या प्रकारचे माहिती संकलन पहिल्यांदाच होणार आहे. सरपंच गाब्रीयल फर्नांडिस म्हणाले, पंचायत क्षेत्रात राहणाऱ्या प्रत्येक परप्रांतीय व्यक्तीला पंचायतीकडून ओळखपत्र दिले जाणार असून ते जिथे भाड्याच्या खोलीत राहतात त्या घरमालकाकडून त्यांची सर्व माहिती घेतली जाणार आहे.

Goa News | Nagoa Panchayat
Goa Petrol Price: अनेक राज्यांमध्ये इंधनाच्या किमतीत वाढ, जाणून घ्या गोव्यातील दर...

नागोवा या गावातील एकूण लोकसंख्या 10 हजारांच्या आसपास असून त्यापैकी सुमारे 6 हजार लोक परप्रांतीय असून या पंचायतीला जोडून दोन औद्योगिक वसाहती असल्याने त्यात काम करणाऱ्या परप्रांतीय कामगारांनी या पंचायतीत आश्रय घेतला आहे. या पंचायतीच्या पंच सदस्यांच्या म्हणण्याप्रमाणे या परप्रांतीय कामगारांमुळे गावात कचऱ्याची समस्या वाढली असून प्रामुख्याने या समस्येवर तोडगा काढण्यासाठीच ही माहिती संकलन कल्पना पुढे आली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com