पिसुर्ले माध्यमिक विद्यालयात प्रौढावस्था प्रशिक्षण कार्यशाळा संपन्न..!

पिसुर्ले Goa News : पिसुर्ले येथिल सरकारी माध्यमिक विद्यालयात (secondary school) दि 22 ते 25 नोव्हेंबर पर्यंत प्रौढावस्था प्रशिक्षण कार्यशाळा आयोजित करून विद्यार्थ्यांना लैंगिक शोषण (Sexual abuse) आणि मुलांची होणारी तस्करी (Child trafficking) या संबंधी सविस्तर माहिती देण्यात आली.

या कार्यशाळेच्या उद्घाटन कार्यक्रमाला पिसुर्ले पंचायतीचे माजी सरपंच तथा विद्यमान पंच देवानंद परब, विद्यालयाचे मुख्याध्यापक उल्हास गावकर, जेष्ठ शिक्षक नंदा माजीक, या कार्यशाळेच्या संयोजक शिक्षिका कविता पावणे, शाळेची सल्लागार माधवी पाटील, कार्यशाळेत मार्गदर्शन करण्यासाठी उपस्थित असलेल्या संसाधन वक्त्या लुरिडा पराडो, फरहात जहान खान आदी मान्यवर उपस्थित होते.

या चार दिवशीय कार्यशाळेच्या प्रशिक्षण कार्यक्रमात सामाजिक स्तरावर होणारे मुलांचे लैंगिक शोषण आणि तस्करी, मासिक पाळीची स्वच्छता, किशोरवस्था जीवनातील मानसशास्त्र आणि सामाजिक पैलू, कोव्हीड 19 माहामारीतील मुलांचे मानसिक हीत या संबंधी मुलांना सर्व विषयांचे ज्ञान अवगत व्हावे या अनुषंगाने या कार्यक्रमाचे आयोजन करण्यात आले होते. त्यामुळे मुलांमध्ये जागृक्ता निर्माण होऊन त्याचा आत्मविश्वास वाढण्यास खूप मदत होते. त्याच प्रमाणे स्वताची काळजी कशी घेणे, कोणतीही अडचण समोर आल्यावर मार्ग कसा काढावा या विषयी अशा प्रकारच्या कार्यशाळेच्या माध्यमातून मिळणाऱ्या प्रशिक्षणाने मुले सक्षम बनावी या हेतूने सरकारी माध्यमिक विद्यालय पिसुर्ले यांनी या कार्यक्रमाचे आयोजन करण्यात आले होते.

समई प्रज्वलित करून कार्यशाळेचे उद्घाटन करण्यात आले, या कार्यक्रमाचे सूत्रसंचालन दिती गावडे हीने केले, मुख्याध्यापक उल्हास गावकर यांनी स्वागत केले. शेवटी कार्यशाळेच्या संयोजक शिक्षिका कविता पावणे हीने आभार व्यक्त केले.