Chapora River: आता शापोरा नदीतून होणार वाळूचा उपसा; लवकरच परवाने मिळणार

Sand Mining: मांडवी, झुआरीचे पर्यावरणीय अहवाल खुले
Chapora River |Goa News
Chapora River |Goa NewsDainik Gomantak

Sand Mining: शापोरा नदीतून पारंपरिक पद्धतीने वाळू उपशासाठी पर्यावरणपत्रे प्राप्त झाल्याने वाळू उपशासाठीचे परवाने लवकरच दिले जातील. शिवाय मांडवी आणि झुआरी नद्यांचे पर्यावरणीय अहवाल नागरिकांसाठी खुले केले असून याबाबत सूचना आणि मत व्यक्त करावे, असे आवाहन खाण आणि भूगर्भशास्त्र खात्याचे संचालक डॉ. सुरेश शानभोग यांनी केले आहे.

शानभोग म्हणाले की, जैवविविधता मंडळाकडून शापोरा नदीचे पर्यावरण परवाने प्राप्त झाले असून अंतिम अधिसूचना काढल्यानंतर परवान्यासाठी अर्ज मागविणार आहोत. त्यामुळे लवकरच शापोरा नदीतील वाळू उपशासाठी परवाने मिळतील.

दुसरीकडे झुवारी आणि मांडवी या नद्यांसाठी राष्ट्रीय समुद्र विज्ञान संस्थेच्या वतीने केलेल्या विविध सर्वेक्षणाचे अहवाल खात्याला प्राप्त झाले आहेत. हे दोन्ही अहवाल खात्याच्या वेबसाईटवर असून लोकांकडून सूचना मागवल्या आहेत.

झुआरी : 84 लाख क्युबिक मीटर वाळू

राष्ट्रीय समुद्र विज्ञान संस्थेच्या शास्त्रज्ञांनी झुआरी नदीचे दोन प्रकारे सर्वेक्षण केले असून बोरी पूल, राशोल, शिरोडा, चांदोर, पंचवाडी, कुडचडे या पाच विभागांमध्ये 84 लाख 91 हजार 90 क्युबिक मीटर म्हणजेच 13 लाख 25 हजार 744 टन वाळू उपलब्ध आहे.

Chapora River |Goa News
Goa Petrol Price: कच्च्या तेलाच्या किमतीत मोठी घसरण, पण गोव्यात पेट्रोल-डिझेल महागले?

मांडवी : 5 लाख क्युबिक मीटर वाळू

एनआयओच्या शास्त्रज्ञांनी केलेल्या सर्वेक्षणानुसार मांडवी नदीत खांडेपार, कोठंबी, वळवई, नार्वे, पिळगाव, बेतकी, आमोणा अशा दहा भागांत 5 लाख 89 हजार 838 क्युबिक मीटर वाळू उपलब्ध असल्याचे म्हटले आहे. त्यानुसार जैवविविधता मंडळ, पर्यावरण खाते पुढील कार्यवाही करत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com