Panaji News: चिरेखाणीप्रकरणी 23 तक्रारींची चौकशी

Panaji News: गोवा खंडपीठाला माहिती : कुळे येथील दोघा पोलिस निरीक्षकांवर आरोपपत्र
Goa News
Goa News Dainik Gomantak

Panaji News: खाण व भूगर्भ खात्याने सर्वेक्षणाअंती दाखल केलेल्या 23 तक्रारीप्रकरणी पोलिसांनी कारवाई सुरू केली आहे. मोले येथील बेकायदा चिरेखाण प्रकरणात निष्काळजीपणा केल्याबद्दल प्रज्योत फडते आणि संजय दळवी या दोघा अधिकाऱ्यांवर पोलिस खात्यांतर्गत आरोपपत्र ठेवून त्यांची चौकशी केली जाणार आहे, अशी माहिती आज सरकारतर्फे मुंबई उच्च न्यायालयाच्या गोवा खंडपीठाला देण्यात आली.

मोले येथील चिरेखाणप्रकरणी बुधो गावकर यांनी उच्च न्यायालयात याचिका सादर केली होती. त्यावेळी राज्यातील बेकायदा चिरेखाणींचा सर्वे करून त्याविरुद्ध कोणती कारवाई केली, त्याचा अहवाल सादर करण्यास सांगितले होते.

आज न्यायालयाला सादर केलेल्या प्रतिज्ञापत्रात खाण खात्याने बेकायदा चिरेखाणींच्या 25 तक्रारी नोंद केल्या होत्या व त्या पोलिस खात्याकडे पाठविल्या होत्या. त्यातील 23 तक्रारींचा तपास सुरू आहे, तर 2 तक्रारीप्रकरणी खाण खात्याने कारवाई केली आहे.

Goa News
Goa Petrol Price: कच्च्या तेलाच्या किमतीत घसरण! गोव्यात पेट्रोल आणि डिझेलचे दर स्वस्त

निष्काळजीपणा भोवला

दक्षिण गोवा पोलिस अधीक्षक अभिषेक धानिया यांनी खंडपीठाला सादर केलेल्या प्रतिज्ञापत्रात निरीक्षक प्रज्योत फडते आणि संजय दळवी यांच्याविरुद्ध लवकरच चौकशी सुरू केली जाईल, असे नमूद केले आहे. मोले येथील चिरेखाणप्रकरणी तक्रार देऊनही तत्कालीन पोलिस अधिकाऱ्यांनी तिची दखल घेतली नव्हती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com