CM Pramod Sawant: राज्यातील लोक सरकारी नोकरी मिळावी यासाठी मंत्री, आमदारांचे उंबरठे झिजवतात. हे चुकीचे आहे. येत्या काळात राज्यात 100 टक्के सरकारी कर्मचाऱ्यांची भरती ही कर्मचारी निवड आयोगामार्फत केली जाईल. त्यामुळे जो सर्वोत्कृष्ट आहे, त्यालाच नोकरी प्राप्त होईल. त्यासाठी कोणत्याही प्रकारच्या वशिल्याची गरज लागणार नाही, असे ठोस प्रतिपादन मुख्यमंत्री डॉ. प्रमोद सावंत यांनी केले.
ताळगाव येथील डॉ. श्‍‍यामाप्रसाद मुखर्जी स्‍टेडियमवर आयोजित रोजगार मेळ्याच्या उदघाटनप्रसंगी ते बोलत होते. यावेळी व्यासपीठावर कामगारमंत्री बाबूश मोन्सेरात, आमदार रुडॉल्‍फ फर्नांडिस, पणजीचे महापौर रोहित मोन्सेरात, सचिव संदीप जॅकीस आणि मजूर व रोजगार आयुक्त राजू गावस उपस्थित होते.
यावेळी मुख्यमंत्री सावंत म्हणाले, राज्यातील अनेक कर्मचारी चांगली सेवा बजावतात. मात्र, 20 टक्के कर्मचारी हे कामचुकारपणा करतात. जर येत्या काळात चांगली सेवा बजावली नाही तर त्‍यांना सक्तीने निवृत्त केले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
