Goa Politics : मुलीपाठोपाठ आता आईही राजकारणात

सांताक्रुझ; सरपंचपदी जेनिफर ओलिव्हेरा, उपसपंचपदी इनासिओ परेरा
Goa Politics
Goa PoliticsDainik Gomantak

पणजी : सांताक्रुझ पंचायतीमध्ये 11 पैकी 10 उमेदवार प्रथमच निवडून आलेले आहेत. त्यामुळे आज झालेल्या सरपंच व उपसरपंचपदासाठी बिनविरोध निवड झाली. सरपंचपदी जेनिफर टोमी हिलिटर दि ओलिव्हेरा यांची, तर उपसरपंचदी इनासिओ परेरा यांची निवड झाली. 4 पंच सदस्यांनी या निवडणुकीत भाग घेतला नाही. त्यामुळे सांताक्रुझमध्ये जिल्हा पंचायत सदस्यपदी शायनी ओलिव्हेरा यांच्या पाठोपाठ त्यांची आई जेनिफर ओलिव्हेरा यांनी राजकारणात प्रवेश केला आहे.

Goa Politics
Panchayat Election : मायकल लोबो यांचा चर्चेतील गड कोसळला

सांताक्रुझ पंचायतीमध्ये सरपंच व उपसरपंचपदासाठी जेनिफर ओलिव्हेरा, तर उपसरपंचपदासाठी इनासिओ परेरा यांनी अर्ज भरले. 4 पंच सदस्यांनी पंचायत कार्यालयात येऊन आपली उपस्थिती दाखवून निघून गेले, त्यामध्ये लुईझा फर्नांडिस, संदीप सावंत, पीटर आरावजो व रोझी फर्नांडिस यांचा समावेश होता. इल्सन ब्रागांझा, लाफिरा ओलिव्हेरा इनासिओ परेरा, मंगेश गांवको, जेनिफर ओलिव्हेरा, पेरपेच्युआ डिसोझा व अमाबेल गोम्स हे 7 पंच सदस्य एका गटात असल्याने ही निवड बिनविरोध झाली. पंच सदस्य लाफिरा ओलिव्हेरा या एकमेव दुसऱ्यांदा निवडून आल्या आहेत.

सांताक्रुझ पंचायत सरपंचपद हे महिलांसाठी राखीव असल्याने जेनिफर ओलिव्हेरा व रोझी फर्नांडिस या पदासाठी इच्छुक होत्या. जेनिफर यांचे पती टोमी यांनी जिल्हा पंचायतीवर मुलगी शायनी ओलिव्हेरा हिला निवडून आणले होते.

जुन्या पंच मंडळाला कचरा समस्या भोवली

सांताक्रुझ पंचायतीमधील लोकांनी दुसऱ्यांदा निवडणुकीत उतरलेल्या पंच सदस्यांना घरी पाठवून नव्यांना संधी देण्याचा घेतलेला निर्णय सार्थ ठरविला. त्यामुळे या नव्या पंचायत मंडळाकडून लोकांच्या कचरा समस्येवर तोडगा काढण्याबाबत अपेक्षा आहेत. आजपर्यंत पंचायत मंडळ ही समस्या सोडवू शकली नव्हती.

पंचायत सदस्यांनी संगीतखुर्ची खेळत सरपंच व उपसरपंचपद सहा - सहा महिने भूषविले. मात्र, एकानेही कचरा समस्या गंभीरतेने न घेतल्याने या पंचायत क्षेत्रातील कचरा समस्येमुळे उच्च न्यायालयाकडून वारंवार ताशेरे व दंडात्मक कारवाईही झाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com