पणजी : पंचायत निवडणुकांच्‍या पार्श्वभूमीवर सर्व मतदारांनी कोणत्याही प्रलोभनास किंवा दबावास बळी न पडता मतदान करावे. तसेच मतदान करून लोकशाहीच्‍या या उत्‍सवात सहभागी व्‍हावे, असे आवाहन उत्तर गोवा जिल्‍हाधिकारी मामू हागे यांनी केले आहे.
उत्तर गोवा जिल्‍हाधिकारी तथा निवडणूक अधिकारी मामू हागे यांनी उत्तर गोव्‍यातील सर्व ग्रामपंचायत क्षेत्रातील मतदान केंद्र आणि आणि तालुक्‍याच्‍या ठिकाणच्‍या मतमोजणी केंद्राच्या 200 मीटरमधील सर्व रेस्टॉरंट, बार, चहाची दुकाने, पान शॉप, भोजनालये आणि इतर खाद्यपदार्थांची दुकाने, ढाबा आदींना बंद ठेवण्याचे आदेश दिले आहेत.
हे आदेश मतदानादिवशी आणि मतमोजणीदिवशी लागू असतील. आदेशाचे उल्लंघन झाल्‍यास फौजदारी कारवाई केली जाणार आहे.
मतदान केंद्र परिसरात मेळावे, गर्दीस बंदी
उत्तर गोव्‍यातील संबंधित तालुक्यांच्या मतदान केंद्राच्या 200 मीटरच्या आत 5 पेक्षा जास्त व्यक्तींचा समावेश असलेल्या कोणत्याही मेळाव्यास किंवा गर्दीवर बंदी घालण्यात आली आहे. कर्तव्यावर असलेल्या सार्वजनिक सेवकांना, विवाह, अंत्ययात्रा किंवा धार्मिक मिरवणूक/कार्ये यांना हे निर्बंध लागू असणार नाहीत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
