'गोव्यातील पंचायत निवडणुका चार महिने पुढे ढकला'

विरोधी पक्षनेते मायकल लोबो यांची मागणी
'गोव्यातील पंचायत निवडणुका चार महिने पुढे ढकला'
Michael Lobo Dainik Gomantak

पणजी: सर्वोच्च न्यायालयाने दिलेल्या निकालाप्रमाणे इतर मागासवर्गीयांना आरक्षण देण्याकरता पंचायत निवडणुका चार महिने पुढे ढकला आणि दरम्यानच्या काळात इतर मागासवर्गीय आयोगाची स्थापना करून त्यांच्या निरीक्षणाखाली ओबीसींना आरक्षण द्यावे, अशी मागणी विरोधी पक्षनेते मायकल लोबो यांनी केली आहे.

इतर मागासवर्गीय आरक्षणासाठी सर्वोच्च न्यायालयाने दिलेला निकाल स्पष्ट असून या निकालाप्रमाणे इतर मागासवर्गीय (ओबीसी) आरक्षणासाठी इतर मागासवर्गीयांचा माहिती गोळा करणे अत्यंत गरजेचे आहे. यासाठी स्वतंत्र नव्याने आयोग नेमणे गरजेचे आहे. यासाठी पंचायतीच्या निवडणुका चार महिने पुढे ढकलाव्यात. इतर मागासवर्गीयांची माहिती गोळा करून ती निवडणूक आयोगाला सादर करावी आणि त्या आधारेच त्यांना आरक्षण द्यावे व राज्यातील ओबीसींना न्याय द्यावा, अशी मागणीही त्यांनी केली आहे.

Michael Lobo
'पर्यटन हंगामासाठी मोपा विमानतळ होईल सज्ज'

‘प्रशासक नेमणे गरजेचे’

सध्याच्या आरक्षण नीतीनुसार ओबीसींची संख्या जास्त असली तरी 27 टक्के आरक्षण मिळणे गरजेचे आहे. त्यासाठी सरकारने निवडणुका पुढे ढकलाव्यात. सध्या अस्तित्वात असलेल्या पंचायतीची मुदत 19 जूनपर्यंत संपत आहे. त्यामुळे सरकारने यासाठी प्रशासक नेमणे गरजेचे आहे, असे लोबो म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com