Yog Setu In Panjim सांतिनेज खाडीवर म्हणजे मांडवी नदीला खाडी जोडली गेली आहे, त्याठिकाणी (जुन्या गोमेकॉ इमारतीसमोर) वॉक-वेसाठी नव्या पुलाची उभारणी करण्यात आली आहे.
त्या पुलाबाबत हरित लवादाने प्रश्‍न उपस्थित केला आहे. पर्यावरणीय अभ्यास न करता पुलाची उभारणी कशी काय करण्यात आली, असा सवाल लवादाने केला आहे.
पदपथ तथा सायकल ट्रॅकसाठी या पुलाची उभारणी करण्यात आली आहे. ज्या ठिकाणी हा पूल उभारण्यात आला आहे, ते क्षेत्र पर्यावरण संवेदनशील आहे. माजी नगरसेविका पॅट्रासिया पिंटो यांनी हरित लवादाकडे या कामाबाबत धाव घेतली होती.
गोवा राज्य साधनसुविधा विकास महामंडळातर्फे हे सुशोभीकरणाचे काम केले आहे. गोवा किनारा संरक्षण व्यवस्थापन प्राधिकरणाने या कामाला कशी परवानगी दिली होती, याबावरही एनजीटीने आक्षेप नोंदविला आहे.
पर्यावरणीय प्रभाव मूल्यांकन (ईआयए) अभ्यासाची काहीही गरज नव्हती; कारण हा प्रकल्प बी-2 वर्गातील असून, तो ईआयए अधिसूचना 2006 अन्वये राबविला जात आहे, असे जीएसआयडीसीने एनजीटीला सांगितले आहे. यापुढील सुनावणी 21 नोव्हेंबरला होणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
