Pepper Spray Case: पेपर स्प्रे प्रकरणात शिक्षण खात्याकडून हात वर

कारवाईची जबाबदारी शाळेवर
Bicholim Goa | pepper spray
Bicholim Goa | pepper spray Dainik Gomantak

डिचोली येथील उच्च माध्यमिक विद्यालयातील विद्यार्थ्यांना अत्यवस्थ केल्याप्रकरणातील संशयित विद्यार्थ्यांवरील कारवाई मागे घेण्याचा आदेश बाल हक्क आयोगाने दिला असला तरी त्यावर कोणताही निर्णय घेणे शिक्षण खात्याने टाळले आहे.

शिक्षण खात्याने तो आदेश संबंधित विद्यालय प्रमुखांना पाठवून त्यावरील त्यांचे म्हणणे जाणून घेण्याचा मध्यम मार्ग स्वीकारला आहे. त्यामुळे शिक्षण खात्याने या प्रकरणात हात वर केल्याचे स्पष्ट होत आहे.

Bicholim Goa | pepper spray
Viral Video: मद्यधुंद युवतीचा धिंगाणा; पणजीत रस्ता रोखला

विद्यालयाने पेपर स्प्रे प्रकरणी ‘त्या’ विद्यार्थ्यांना महिनाभरासाठी निलंबित करण्याची कारवाई केली आहे. पोलिसांनी आणि शिक्षण खात्याने विद्यालयाच्या व्यवस्थापनास चौकशी करून उचित कारवाई करण्याचे आदेश दिले होते. मात्र, निलंबनाची कारवाई ही अयोग्य व कडक असल्याचा सूर व्यक्त करत बाल हक्क आयोगाने ही कारवाई त्वरित मागे घ्यावी, असे खात्याला कळविले.

"आयोगाचे पत्र आजच मिळाले आहे. विद्यार्थ्यांवर कारवाई ही शाळा व्यवस्थापनाच्या पातळीवर करण्यात आली आहे. शिक्षण खात्याने त्यासंदर्भात कोणताही निर्णय घेतलेला नाही."

"त्यामुळे आयोगाचा आदेश शाळा व्यवस्थापनाकडे त्यांचे म्हणणे जाणून घेण्यासाठी पाठवण्यात येणार आहे. अखेर निर्णय शाळा व्यवस्थापनाच्या पातळीवरच घ्यावा लागणार आहे."

- शैलेश झिंगडे, शिक्षण संचालक

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com