Goa: पेडणे येथील प्रसिद्ध पुनवेच्या उत्सवाला काल लाखो भाविकांनी आदिस्थान (देवाचा मांगर) येथे श्री देव रवळनाथ व श्री देव भूतनाथ यांच्या तरंगांचे दर्शन घेऊन कौल घेतला. श्री भगवतीच्या मंदिरात सुवासिनींनी ओट्या भरल्या. या तिन्ही मंदिरांत दर्शनासाठी भाविकांच्या मोठ्या रांगा लागल्या होत्या.
पेडणे येथील दसरोत्सव सर्वदूर प्रसिद्ध आहे. या उत्सवाची सुरूवात विजयादशमीला घटस्थापनेने झाली. पुनवेपर्यंत रोज रात्री श्री देवी भगवतीची पालखी, भजन, कीर्तन आदी कार्यक्रम मंदिरात होतात. यादरम्यान श्री रवळनाथ व त्याचा मित्र श्री भूतनाथ या देवांची तरंगे हजारो भाविकांच्या उपस्थितीत श्री भगवती मंदिराकडे येतात.
पुनव हा उत्सवाचा अंतिम भाग. गोव्यासह या देवाचे भाविक महाराष्ट्र व कर्नाटक राज्यात असून या उत्सवाला ते आवर्जून येतात. यंदा उत्सवावर पावसाचे सावट जाणवत होते. त्यामुळे फेरीतील मिठाई, खेळणी, फर्निचर, भांडी व्यावसायिकांमध्ये चिंतेचे वातावरण होते. पण नंतर वातावरण निवळल्याने सगळ्यांचाच आनंद द्विगुणित झाला.
किनारी भागात आलेल्या पर्यटकांनीही या उत्सवाला उपस्थिती लावली होती. परिसरात सर्व मंदिरे, सरकारी कार्यालयांच्या इमारतीवर आकर्षक विद्युत रोषणाई केल्याने हा परिसर झगमगून गेला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
