Goa News: फोंडा नगरपालिकेने काही दिवसांपूर्वी घरपट्टी व व्यावसायिक करात वाढ केल्याने या कृतीचा निषेध करीत फोंड्यातील व्यापारी वर्गाने फोंडा पालिकेचे नगराध्यक्ष रितेश नाईक यांची भेट घेऊन ही करवाढ त्वरित मागे घेण्याची मागणी केली.
गोवा फॉरवर्डचे उपाध्यक्ष दुर्गादास कामत यांनीही नगराध्यक्षांची भेट घेऊन करवाढीवर पुनर्विचार करावा असे सुचवले. व्यापाऱ्यांतर्फे फोंडा बिझनेस फोरमने त्यासाठी पुढाकार घेतला होता.
कोविडमुळे डबघाईला आलेला उद्योग व्यवसाय आताच कुठे सावरत आहे, अशा स्थितीत व्यापाऱ्यांना व्यावसायिक करात तसेच घरपट्टीत फोंडा पालिकेने वाढ केल्याने ही चारशे टक्के करवाढ भरणे लोकांना शक्य होणार नाही, असे व्यापारी मंडळाने स्पष्ट केले.
दुर्गादास कामत करवाढीसंबंधी म्हणाले की, फोंडा पालिकेने लोकांना विश्‍वासात न घेता ही करवाढ केली आहे. ही करवाढ अन्यायकारक असून नगराध्यक्ष रितेश नाईक यांनी ही करवाढ मागे घ्यावी.
दरम्यान, येत्या शुक्रवारी 18 रोजी होणाऱ्या पालिकेच्या बैठकीत या विषयावर चर्चा करून योग्य निर्णय घेण्यात येईल, असे नगराध्यक्ष रितेश नाईक यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
