Goa Crime : सुऱ्‍याच्या धाकाने पर्यटकांना लुबाडण्याचा प्रकार उघडकीस

कळंगुटमधील घटना; गुजरातमधील दोघांना गोवा पोलिसांकडून अटक
Goa Crime
Goa CrimeDainik Gomantak

Goa Crime : खोब्रावाडा - कळंगुट येथे उत्तरप्रदेशमधील दोघा पर्यंटकांची सुऱ्‍याचा धाक दाखवून लुबाडणूक करण्यात आली असून याप्रकरणी कळंगुट पोलिसांनी मूळच्या गुजरातमधील दोघा संशयितांना अटक केली.

दर्शन भोजीया (23, रा. साळगाव) व रवी आंबेलिया (28, रा. खोब्रावाडा - कळंगुट) अशी संशयितांची नावे आहेत. ही घटना मंगळवारी पहाटे 3.30 च्या सुमारास खोब्रावाडा कळंगुटमधील डेव्हील्स क्लबजवळ घडली. फिर्यादी प्रशीत सिंघाल (शिवपुरी उत्तरप्रदेश) हा व त्याचा चुलत भाऊ चालत जात होते. त्यावेळी संशयित दर्शन याने त्यांना अडवले व आपला साथीदार संशयित रवी यास बालावले.

Goa Crime
Goa : करासवाडा येथे जलवाहिनी फुटली

दोघाही संशयितांनी तक्रारदार व त्याच्या भावाला सुऱ्‍याचा धाक दाखवून जीवे मारण्याची धमकी दिली. त्यांच्याकडील 20 हजार रुपये रोकड जबरदस्तीने काढून घेत पळ काढला. याप्रकरणी फिर्यादी व त्याच्या चुलत भावाने कळंगुट पोलिस स्थानक गाठले व रितसर तक्रार दाखल केली. या तक्रारीच्या आधारे पोलिसांनी वरील दोन्ही संशयितांना पकडून अटक केली. तसेच लुबाडणुकीतील रोख रक्कमही जप्त केली. पोलिस निरीक्षक दत्तगुरू सावंत यांच्या मार्गदर्शनाखाली उपनिरीक्षक राजाराम बागकर व सहकारी पथकाने ही कारवाई केली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com