जामिनावर सुटल्यानंतर 3 दिवसात परत गजाआड; म्हापसा पोलिसांची कारवाई

पोलिसांच्या पथकाने विश्वसनीय माहिती मिळवली आणि तीन आरोपींना म्हापसा येथे पकडले.
जामिनावर सुटल्यानंतर 3 दिवसात परत गजाआड; म्हापसा पोलिसांची कारवाई
Jail Dainik Gomantak

म्हापसा : कोलवाळ येथील मध्यवर्ती कारागृहातून तीन दिवसांपूर्वी जामिनावर सुटलेल्या तीन आरोपींनी म्हापशात परत चोरी केली. यावेळेस त्यांनी म्हापसा येथील एका खाजगी इमारतीत असलेल्या कार्यालयातून तीन मोबाईल फोन आणि 70 हजारांची रोकड लंपास केली. म्हापसा पोलिसांनी तिघांना परत अटक केली आहे. (goa police arrested thieves in Mapusa)

Jail
गोव्यातील ‘शॅक’ना विदेशी पर्यटकांची प्रतीक्षा

पोलिसांनी रमेश वडार (37), संजय बने (26), मोहम्मद शेख (28, सर्व मूळ कर्नाटक) यांच्याकडून मोबाईल फोन आणि रोख 16,000 रुपये जप्त केले आहेत. गुरूवारी म्हापसा येथील एका खाजगी कार्यालयातून व इतर तीन कार्यालयांतून चोरी झाल्याची तक्रार दाखल केली होती.

Jail
मडगावात सांडपाण्याची समस्या ‘जैसे थे’

याप्रकरणी म्हापसा पोलिसांनी अज्ञाताविरुद्ध गुन्हा दाखल करून तपास सुरू केला होता. तपासादरम्यान, पोलिसांच्या पथकाने विश्वसनीय माहिती मिळवली आणि तीन आरोपींना म्हापसा येथे पकडले. चौकशीत या तिघांनी चोरीत आपला सहभाग असल्याची कबुली दिली असून त्यांना अटक करण्यात आली आहे.

सूत्रांनी सांगितले की, दोन वर्षांपूर्वी अशाच प्रकारची चोरीची घटना एका खाजगी इमारतीत घडली होती, या तिघांनीच ती केली असण्याची शक्यता आहे. याप्रकरणी म्हापसा पोलीस अधिक तपास करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.