Goa Accident : साखळी येथे दुचाकीच्या अपघातात पोलिस कॉन्स्टेबलचा मृत्यू

दुचाकीची धडक उभ्या असलेल्या चारचाकीला बसून भीषण अपघात
Sainath Kharpalkar
Sainath KharpalkarDainik Gomantak

Goa Accident : गेले काही दिवस राज्यातील अपघातांचं सत्र सुरूच आहे. अपघातांची संख्या दिवसेंदिवस वाढतेय. दुचाकी-चारचाकी वाहनांसोबत ट्रक, बसेस या मोठ्या वाहनांचे अपघातही मोठ्या प्रमाणात होत आहेत. त्यामुळे राज्यातून चिंता व्यक्त केली जातेय. राज्यातील वाढत्या अपघातांवर नियंत्रण मिळविण्यासाठी पोलिस विभाग आणि संबंधित यंत्रणांकडून विविध उपाययोजना आखण्यात येतायत. पण अद्यापही अपघातांना आळा घालण्यात हवं तसं यश मिळालेलं नाही.

Sainath Kharpalkar
Sanjivini Sugar Factory: भाऊसाहेबांचा वारसा नष्ट होऊ देणार नाही; आलेमाव यांचा सरकारला इशारा

अशातच साखळी येथे बुधवारी रात्री उशिरा एका दुचाकीचा अपघात झाल्याची घटना समोर येत आहे. या अपघातात दुचाकीस्वाराचा मृत्यू झाला असून मृत दुचाकीस्वार राज्यातील पोलीस दलात कॉन्स्टेबल या पदावर कार्यरत होता. ही घटना साखळी येथील सरकारी हॉस्पिटलाजवळ घडल्याची माहिती मिळाली आहे.

उपलब्ध माहितीनुसार, अपघातातील मृत पोलिस कॉन्स्टेबलचे नाव साईनाथ खरपालकर असे असून, ते पर्ये-सत्तरी येथील रहिवासी होते. सध्या ते साखळी येथे वास्तव्यास होते. मयत साईनाथ हे आपल्या दुचाकीवरून जात होते यावेळी साईनाथची दुचाकीची धडक उभ्या असलेल्या चारचाकीला बसली. या धडकेत साईनाथ गंभीर जखमी झाल्याने त्यांचा जागीच मृत्यू झाला. मयत साईनाथ यांचे सहा महिन्यापूर्वीच लग्न झाले होते. साईनाथ हा सुस्वभावी होता. त्याच्या निधनाने गावात हळहळ व्यक्त होत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com