दंड वाढूनही गोव्यात नियमांना केराची टोपली

मडगावात कारवाई; 2 हजार चालक परवाने निलंबित
दंड वाढूनही गोव्यात नियमांना केराची टोपली
Goa PoliceDainik Gomantak

मडगाव : सुधारित मोटार वाहन कायद्यांतर्गत अनिवार्य केलेल्या भरघोस दंडानेही वाहनचालकांनी वाहतूक नियमांचे उल्लंघन करणे थांबवलेले नाही. मडगाव परिसरात वाहतूक नियमभंग प्रकरणी कारवाईवरून हे आता दिसून आलं आहे. मडगाव आणि आसपासच्या भागातील दोन हजारहून अधिक वाहन चालकांचे किमान तीन महिन्यांच्या कालावधीसाठी चालक परवाने निलंबित करण्यात आले आहेत. दक्षिण गोवा वाहतूक पोलिस विभागाकडून ही माहिती प्राप्त झाली आहे.

मिळालेल्या माहितीनुसार या वाहतूक गुन्ह्यांमध्ये अति वेगाने वाहन चालवणे, मद्यपान करून वाहन चालवणे, ट्रॅफिक सिग्नल तोडणे, वाहन चालवताना मोबाईल फोनचा वापर करणे अशा गोष्टींचा समावेश आहे.

गेल्या पाच महिन्यातील कारवाईत वाहनांच्या काळ्या काचा (31,394), गाडी चालविताना चालक वा सहचालकाने सीट बेल्ट न घालणे (34,573), नो एन्ट्री (21,308), नंबरप्लेट नसणे (10,759), धोकादायक पार्किंग (25,439) यांचा समावेश आहे.

Goa Police
लोहिया मैदानावर होणार यंदाचा क्रांतिदिन?

...तरीही दुचाकीस्वार बेजबाबदारच

यावर्षी गेल्या 5 महिन्यांत हेल्मेट न वापरल्याची प्रतिदिन 500 हून अधिक प्रकरणे नोंद होत आहे. वाहतूक पोलिस विभागाने  राज्यात मोटार वाहन कायद्यान्वये सुमारे 54 विविध कलमांखाली गुन्हे दाखल केले आहेत. त्यात अधिकतर प्रकरणे ही विना हेल्मेट (77,819) प्रकरणे नोंद झाली आहेत.पोलिसांनी सूचना आणि वारंवार मार्गदर्शन करूनही विना हेल्मेट रस्त्यावर बेजबाबदार असलेल्या दुचाकीस्वारांची संख्या वाढतच आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com