Goa Police: महिला, पर्यटकांच्‍या सुरक्षिततेला प्राधान्य

राज्यातील वाहतूक समस्येबाबत माहिती मिळाली आहे. त्‍यावर पर्यावरणाचे संरक्षण करून योग्य तो तोडगा काढला जाईल.
Goa Police: महिला, पर्यटकांच्‍या सुरक्षिततेला प्राधान्य
Goa Police will give priority to safety of women and tourists

पणजी: गोव्यात येणाऱ्या पर्यटकांबरोबरच व महिलांची सुरक्षितता, वाहतूक समस्‍येवर उपाय, अंमलीपदार्थ व्यवहारात गुंतलेल्यांविरोधात कडक कारवाई, सायबर क्राईमसाठी अत्याधुनिक उपकरणांची खरेदी यावर आपण जास्‍त भर देणार असल्‍याचे राज्याचे नवे पोलिस महासंचालक इंद्रदेव शुक्ला यांनी सांगितले. पदाचा ताबा स्‍वीकारल्‍यानंतर ते बोलत होते.

पोलिस मुख्यालयात महासंचालक शुक्ला यांना सलामी देत मानवंदना देण्यात आली. यावेळी खात्याचे वरिष्ठ पोलिस अधिकारी उपस्थित होते. त्यानंतर त्यांनी पदाचा ताबा घेतला. यावेळी पत्रकारांशी बोलताना शुक्‍ला म्हणाले की, गोवा हे मला काही नवे नाही. सुमारे 17 वर्षे गोव्यात पोलिस सेवेत होतो. त्यामुळे राज्यातील परिस्थिती व समस्यांबाबत पूर्ण कल्पना आहे. राज्यातील वाहतूक समस्येबाबत माहिती मिळाली आहे. त्‍यावर पर्यावरणाचे संरक्षण करून योग्य तो तोडगा काढला जाईल.

Goa Police will give priority to safety of women and tourists
एफसी गोवा मुसंडी मारण्याइतपत सक्षम : नोगेरा

पोलिस तपासकामात अत्याधुनिक तंत्रज्ञान महत्वाचे आहे. त्यामुळे हे तंत्रज्ञान खात्यासाठी उपलब्ध करण्यासाठी प्रयत्न केले जातील. या यंत्रसामग्रीशिवाय तपासकाम करणे कठीण आहे. सायबर क्राईमसाठी तंत्रज्ञानाची गरज असते. पोलिस खात्याला ते उपलब्ध करण्यात येईल. पोलिसांनी जनतेशी मित्रत्वाच्या भावनेने वागण्याची गरज आहे. पोलिस नागरिकांशी गैरवर्तणूक करत असल्याचे आढळून आल्यास त्यांच्याविरोधात कडक कारवाई करायला आपण मागेपुढे पाहणार नाही. अनेक वर्षे गोव्यात काम केल्‍यामुळे बहुतांश पोलिस अधिकारी व कर्मचारी वर्ग हा ओळखीचा आहे. त्यामुळे काम करताना काही अडचणी येतील असे वाटत नाही, असे शुक्‍ला म्हणाले.

Goa Police will give priority to safety of women and tourists
गोवा पोलीस महासंचालकपदी आय. डी. शुक्ला यांची नियुक्ती

लोकांसाठी दरवाजा उघडाच

पोलिस मुख्यालयातील आपल्‍या कार्यालयाचा दरवाजा लोकांना समस्या मांडण्यास व भेटण्यास खुला असेल. त्यांच्‍या तक्रारींची दखल घेऊन त्या वेळेत निकालात काढण्यात येतील. नागरिकांनी त्यांच्या सूचना केल्यास त्याचे स्वागत असेल. राज्यात अंमलीपदार्थाचा व्यवहार सुरू असला तरी पोलिस खात्याचे अधिकारी त्यावर नजर ठेवून आहेत. त्याचे उच्चाटन करण्यासाठी सर्व स्तरावर प्रयत्न सुरू आहेत. गोवा हे ड्रग्जमुक्त राज्य करण्यासाठीही आपले प्राधान्य असेल. अंमलीपदार्थ व्यवहारात वारंवार अटक झालेल्यांविरुद्ध एनडीपीस कायद्याबरोबरच ‘रासुका’खालीही कारवाई करण्याचे अधिकार पोलिसांना आहेत. त्यामुळे त्यांच्याविरुद्ध कडक पावले उचलली जातील, असा इशारा शुक्‍ला यांनी दिला.

पोलिस ‘पिंक फोर्स’ लवकरच

राज्यातील महिलांच्‍या सुरक्षिततेला प्राधान्य दिले जाणार आहे. अलीकडेच मुख्यमंत्र्यांनी ‘पोलिस पिंक फोर्स’ स्थापन करण्याची घोषणा केली आहे. त्याच्या अंमलबजावणीसाठी तयारी सुरू केली जाईल. महिलांच्या समस्या तसेच विविध प्रकरणे हाताळण्यासाठी महिला पोलिस कर्मचाऱ्यांची मदत घेतली जाईल. त्यांना योग्य प्रशिक्षण दिले जाणार आहे. या महिला पोलिस चपळ तर असतीलच तसेच परिस्थितीनुसार संकटांना सामोरे जाण्याची क्षमता त्यांच्यात असेल, असे शुक्ला यांनी सांगितले.

Related Stories

No stories found.
Dainik Gomantak | दैनिक गोमन्तक
www.dainikgomantak.com