डिचोली: भाजपची (BJP) पंचायत असलेल्या पिळगाव पंचायतीच्या (Pilgaon Panchayat) राजकारणात राजकीय हस्तक्षेप झाला आहे. असा संशय सरपंच शंकर (निलेश) जल्मी यांच्यासह पंच प्रदीप नाईक आणि ललना गिमोणकर यांनी शुक्रवारी (ता.24) सायंकाळी डिचोलीत घेतलेल्या पत्रकार परिषदेत व्यक्त केला आहे. या हस्तक्षेपाची कल्पना भाजपच्या नेत्यांना देण्यात आल्याची माहिती प्रदीप नाईक (Pradeep Naik) आणि अन्य पंचांनी दिली. पंचायतीतील हा राजकीय हस्तक्षेप आगामी निवडणुकीत भाजपसाठी मारक ठरू शकतो. असेही या पंचांनी म्हटले आहे. पिळगाव पंचायतीच्या सातपैकी उपसरपंचासह मिळून चार पंचायत सदस्यांनी गेल्या मंगळवारी सरपंच निलेश (शंकर) जल्मी यांच्या विरोधात अविश्वास ठरावाची नोटीस दिली आहे. या पार्श्वभूमीवर घेतलेल्या पत्रकार परिषदेत सरपंच जल्मी यांनी आपल्यावरील आरोपही फेटाळून लावले आहेत.
आरोप सिद्ध करात
आपल्यावर अविश्वास ठराव दाखल करताना विरोधकांनी केलेले आरोप विद्यमान सरपंच शंकर (निलेश) जल्मी यांनी फेटाळून लावले आहेत. विकासकामांबाबतीत सहकारी पंचायत सदस्यांना विश्वासात घेत नाहीत. आणि पंचायत निधीचा गैरवापर केल्याचा आरोप निरर्थक असल्याचे सरपंच श्री. जल्मी यांनी म्हटले आहे. आपल्यावरील आरोप सिद्ध करा. असे आव्हानही त्यांनी विरोधकांना दिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
