भाजप इतर पक्षांवर बिनबुडाचे आरोप करीत आहे; अविता बांदोडकर

भाजपने तृणमूल कॉंग्रेसला हिंदू विरोधी म्हटले होते. या विधानाचा तृणमूलचे नेते जयेश शेटगावकर आणि अविता बांदोडकर यांनी खरपूस समाचार घेतला.
Goa Politics
Goa PoliticsDainik Gomantak

Goa Politics: तृणमूलच्या अध्यक्ष ममता बॅनर्जी (Mamata Banerjee) यांच्यावर खोटेनाटे आरोप करून त्यांना हिंदू विरोधी म्हणणाऱ्या भाजपने (BJP) आधी स्वतःकडे पहावे. आसामातील हिंदूंच्या (Hindu) रक्षणासाठी त्यांनी काय केले ते स्पष्ट करावे, असे आवाहन तृणमूलच्या (TMC) नेत्या अविता बांदोडकर यांनी दिले. तृणमूल कॉंग्रेसला हिंदू विरोधी असे भाजपने म्हटले होते. या विधानाचा खरपूस समाचार तृणमूलचे नेते जयेश शेटगावकर (Jayesh Shetgaonkar) आणि अविता बांदोडकर (Avita Bandodkar) यांनी घेतला.

Goa Politics
प्रियंका गांधींच्या दौऱ्या दिवशीच गोव्यातील अनेक नेत्यांनी दिले राजीनामे

भाजपा स्वतःला हिंदू रक्षणकर्ते म्हणत असेल तर सडा वास्को येथील मंडपातील गणपती जो सध्या वास्को पोलिस ठाण्यात (Police Station) ठेवला आहे, तो पुन्हा त्या मंडपात स्थानापन्न करावा, अशी मागणी जयेश शेटगावकर यांनी केली. ते म्हणाले, भाजप तृणमूलला हिंदूविरोधी असे लेबल लावत आहे. कारण आमच्या मगोप सोबतच्या युतीमुळे ते अस्वस्थ झाले आहे.

Goa Politics
'गोमेकॉ'बाहेरील गाडेधारकांच्या पुनर्वसनाचे काम युद्धपातळीवर

तेव्हा कुठे गेले होते भाजपचे हिंदूप्रेम

राज्यात बेकारी मोठ्या प्रमाणात वाढली असताना ही समस्या दूर करण्याऐवजी भाजप इतर पक्षांवर बिनबुडाचे आरोप करीत आहे. आसाममध्ये एनआरसीमुळे भाजपने ११ लाख हिंदूंना वेठीस धरले होते. तेव्हा भाजपचे हिंदू प्रेम कुठे गेले होते? असा सवालही अविता बांदोडकर यांनी उपस्थित केला. तृणमूल कॉंग्रेस म्हणजे मंदिर (Temple), मस्जिद, चर्च (Church) यांना एकत्र करण्यासाठी उभा आहे. लोकांमध्ये फूट पाडणे ही तृणमूल कॉंग्रेसची भूमिका नसून, भाजपचेच तसे राजकारण खेळते, असा आरोपही त्यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com