युती होणार की नाही, फातोर्डात संभ्रम..!

कार्यकर्त्यांच्यात नाराजीचा सुर..
Goa Politics Confusion about alliance in Fatorda
Goa Politics Confusion about alliance in Fatorda Dainik Gomantak

मडगाव: काँग्रेस (Congress) आणि गोवा फॉरवर्ड यांच्यात युती होऊन हा मतदारसंघ गोवा फॉरवर्डला (Goa Forward) सोडणार की एकला चलो धोरण स्वीकारून काँग्रेस या मतदारसंघात आपला उमेदवार उभा करणार हा प्रश्न सध्या फातोर्ड्यातील काँग्रेस कार्यकर्त्यांना पडला (Goa Politics) असून त्यामुळे त्यांच्यामध्ये संभ्रमही निर्माण झाला आहे.

Goa Politics Confusion about alliance in Fatorda
काँग्रेस आणि राष्ट्रवादी या पक्षात युती होणारच; चर्चिल आलेमाव

काँग्रेस पक्षाने मागच्या निवडणुकीत युतीचा प्रश्न असाच झुलवत ठेवत उमेदवारी अर्ज भरण्याच्या शेवटच्या दिवशी आपला उमेदवार उभा केला होता. मात्र काँग्रेसचा उमेदवार आपली अनामत रक्कमही राखून ठेऊ शकला नव्हता.

आम्हाला मिळत असलेल्या माहितीनुसार काँग्रेसच्या केंद्रीय नेत्यांनी गोवा फॉरवर्डचे अध्यक्ष विजय सरदेसाई यांच्याकडे युतीविषयी बोलणी केली आहेत. पण याची कल्पना आम्हा काँग्रेस कार्यकर्त्यांना मात्र अजून कुणी दिलेली नाही. पक्ष कोणता निर्णय घेणार याची कल्पना फातोर्ड्यातील काँग्रेस कार्यकर्त्यांना देण्याची गरज आहे अशी प्रतिक्रिया एका कार्यकर्त्याने व्यक्त केली.

Goa Politics Confusion about alliance in Fatorda
सलग दुसऱ्या दिवशी मेघगर्जनेसह पावसाचा तडाखा.. !

काँग्रेसने जर ही निवडणूक लढवली तर उमेदवार कोण असेल याबद्दलही कार्यकर्त्यांमध्ये शासंकता आहे. काँग्रेस प्रदेश समितीचे अध्यक्ष गिरीश चोडणकर हे स्वतः या मतदारसंघातून निवडणूक लढविण्यासाठी इच्छूक आहेत तर दुसऱ्या बाजूने दक्षिण गोवा खासदार फ्रान्सिस सार्दीन यांनी ही उमेदवारी मडगावच्या माजी नगराध्यक्ष एथल लोबो यांना मिळावी यासाठी प्रयत्न चालू ठेवले आहेत.

सार्दीन यांनी सुरवातीपासून या युतीला विरोध करताना फातोर्डा मतदारसंघात काँग्रेस पक्षाने आपला उमेदवार उभा करावा अशी भूमिका घेतली आहे. सध्या ते दर आठवड्याला मडगावात असलेल्या काँग्रेसच्या जिल्हा कार्यालयात येऊन निवडणुकीच्या दृष्टीकोनातूकॅन मार्गदर्शन करत असतात.

यापूर्वी गट अध्यक्ष चिदंबर चणेकर यांच्या अध्यक्षतेखाली झालेल्या फातोर्डा गट बैठकीत काँग्रेसने गोवा फॉरवर्डशी युती न करता स्वतः ही जागा लढवावी अशी मागणी केली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com