...आता गोवेकरांच्या हाती येणार “अजब गोव्याचे गजब राजकारण”

पणजी: गोव्यातील निवडणुकांचा (Goa Politics) आढावा घेणारे पत्रकार संदेश प्रभुदेसाई यांचे “अजीब गोव्याचे गजब राजकारण” हे इंग्रजी पुस्तक सावित्रीबाई फुले यांच्या 181 व्या जयंतीदिनी आज (ता. 3) येथील संस्कृती भवनात संध्याकाळी 4.30 वाजता प्रकाशन होणार आहे.

अलाहाबाद उच्च न्यायालयाचे निवृत्त प्रमुख न्यायाधीश डॉ. फेर्दीन रिबेलो यांच्या हस्ते या पुस्तकाचे प्रकाशन होणार आहे. डॉ. रिबेलो हे आणीबाणीनंतर 1977 मध्ये झालेल्या निवडणुकीत गोवा विधानसभेचे (Goa Assembly Election) आमदारही होते. पुस्तक प्रकाशनानंतर परिचर्चेचा कार्यक्रम होणार असून यात डॉ. रिबेलो यांच्यासह गोवा विद्यापीठाचे (Goa Election) डॉ. पीटर रोनाल्ड डिसोझा, राजकीय विश्लेशक ॲड क्लिओफात आल्मेदा कुतिन्हो, लेखक संदेश प्रभुदेसाई हे भाग घेणार आहेत.

पत्रकार किशोर नाईक गावकर हे या परिचर्चेचे सूत्रसंचालन करणार आहेत. गोव्याच्या निवडणुकांचा ऐतिहासिक आढावा घेणारे गोव्यातील हे पहिलेच इंग्रजी पुस्तक आहे. यात 1963 पासून 2017 पर्यंत झालेल्या विधानसभा निवडणुकांबरोबरच ख्रिस्तपूर्व 12000 वर्षांपूर्वी झालेल्या कोंकण किनारपट्टीच्या निर्मितीपासून आजपर्यंतचा इतिहास, भूगोल व संस्कृतीतून गोव्याची अभिनव राजकीय संस्कृती कशी निर्माण झाली याचे विश्लेषण करण्यात आले आहे.