Goa News: जिल्हा पंचायतीच्या माध्यमातून विकासकामे पूर्ण करताना नागरिकांना चांगले ते देण्याचा आपला प्रयत्न राहील, अशी ग्वाही कुर्टीच्या जिल्हा पंचायत सदस्य प्रिया च्यारी यांनी दिली. नागझर - कुर्टी येथे आज (गुरुवारी) जिल्हा पंचायतीच्या निधीतून सुलभ शौचालयाचे बांधकाम करण्यात आले असून उद्घाटन केल्यानंतर प्रिया च्यारी बोलत होत्या.
यावेळी मगो पक्षाचे नेते डॉ. केतन भाटीकर, कुर्टी - खांडेपारचे सरपंच नावेद तहसीलदार, उपसरपंच विल्मा परेरा, पंचसदस्य नीळकंठ नाईक, परवीन बानो व स्थानिक पंचसदस्य बाबू च्यारी आणि स्थानिक नागरिक उपस्थित होते.
केतन भाटीकर म्हणाले की, जिल्हा पंचायतीच्या निवडणुकीत लोकांना दिलेली आश्वासने पूर्ण होत आहेत. प्रिया च्यारी यांच्या कामाच्या धडाक्यामुळे अनेक कामे पूर्णत्वास येत असून पुढील काळात कामाची व्याप्ती वाढवली जाईल, असे त्यांनी सांगितले. स्वागत, सूत्रसंचालन व आभारप्रदर्शन प्रतिभा नाईक यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
