Goa News: खनिजग्रस्त भागांसाठी वापरला जाणारा कोट्यवधी रुपयांचा जिल्हा खनिज निधी (डीएमएफ) पडून आहे. यासाठी नवे प्रकल्प सादर करण्याच्या सूचना जिल्हाधिकाऱ्यांनी दिल्या आहेत. त्यानुसार नवे प्रकल्प सादर केले जातील, अशी माहिती पर्येच्या आमदार डॉ. दिव्या राणे यांनी दिली आहे.
खाणी सुरु असताना खनिज रॉयल्टीपोटी जमा झालेला कोट्यवधी रुपयांचा जिल्हा खनिज निधी अनेक दिवसांपासून वापराविना पडून आहे. कोट्यवधी रुपयांचा हा निधी प्रामुख्याने संबंधित भागात पिण्याचे पाणी प्रकल्प, शाळा उभारणी खाणग्रस्त भागातील मूलभूत साधनसुविधा प्रकल्पांसाठी वापरता येतो.
यासंबंधीचा विनियोग आणि मूल्यांकन करणारी बैठक जिल्हाधिकारी मामू हगे यांच्या अध्यक्षतेखाली झाली. याबाबत डॉ. राणे म्हणाल्या, कोविड काळात सुरू केलेले प्रकल्प विविध कारणांनी रेंगाळले आहेत किंवा ते रद्द करण्यात आले आहेत.
नव्याने अशा प्रकल्पात प्रस्ताव सादर करण्याच्या सूचना जिल्हाधिकारी हगे यांनी दिल्या आहेत. त्यानुसार आता खाण क्षेत्रातील गावांचे सरपंच, पंच यांना विश्वासात घेऊन आमच्या परिसरातील प्रकल्प सादर करण्यात येतील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.