Goa: आव्हानांचा डोंगर पेलण्यासाठी विद्यार्थ्यांच्या पाठीवर शाबासकीचा हात ठेवा

यापुढे दरवर्षीच विद्यार्थी गौरव सोहळा आयोजनाचा विचार असल्याचे मंत्री मायकल लोबो (Michael Lobo) सांगितले.शिवोली मतदार संघ विकासकामांच्या बाबतीत खूपच मागे असून विद्यार्थ्यांच्या प्रगतीवर त्याचा विपरीत परिणाम होत असल्याचे सांगितले.
Goa: आव्हानांचा डोंगर पेलण्यासाठी विद्यार्थ्यांच्या पाठीवर शाबासकीचा हात ठेवा
ओशेलात आयोजित गौरव सोहळ्यात सहभागी विद्यार्थी, सोबत मंत्री मायकल लोबो, पर्राच्या सरपंच दिलायला लोबो तसेच ओशेल पंचायत मंडळ संतोष गोवेकर

शिवोली: आजच्या स्पर्धात्मक युगात विद्यार्थ्यासमोर नवनवीन आव्हाने (New challenges for students) आहेत त्यामुळे या आव्हानांना (Challenges) सामोरे जाण्यासाठी त्यांच्या पाठीवर शाबासकीचा हात ठेवणे आवश्यक आहे. मुलांच्या पालकांबरोबरच सामाजिक संस्था तसेच गांवोगावच्या पंचायत मंडळांकडून अशा प्रकारचे उपक्रम दरवर्षी घडवून आणावे असे आवाहन कळंगुटचे आमदार तथा ग्रामीण विकास मंत्री मायकल लोबो (Rural Development Minister Michael Lobo) यांनी ओशेलात केले.

ओशेल पंचायत मंडळातर्फे पंचक्रोशीतील दहावी तसेच बारावीच्या विशेष गुणवत्ता प्राप्त विद्यार्थ्यांच्या गौरव सोहळ्यात मंत्री लोबो बोलत होते. यावेळी व्यासपीठावर डिचोलीचे उप-जिल्हाधिकारी दिपक वायंगणकर,  पर्रा गांवच्या सरपंच दिलायला लोबो, ओशेलच्या सरपंच वंदना नार्वेकर, उपसरपंच प्रवीण कोचरेकर, पंच सदस्य महादेव हरमलकर, मंगेश चोडणकर, नुतन बाणावलीकर, अड. रेशल आरपोरकार तसेच सामाजिक कार्यकर्ते बाबुसो वायंगणकर उपस्थित होते.

ओशेलात आयोजित गौरव सोहळ्यात सहभागी विद्यार्थी, सोबत मंत्री मायकल लोबो, पर्राच्या सरपंच दिलायला लोबो तसेच ओशेल पंचायत मंडळ
Goa: शिवोलीत दर्जेदार फुटबॉल मैदानाची गरज: मंत्री मायकल लोबो

पर्राच्या सरपंच दिलायला लोबो यांनी शिवोली मतदार संघ विकासकामांच्या बाबतीत खूपच मागे असून विद्यार्थ्यांच्या प्रगतीवर त्याचा विपरीत परिणाम होत असल्याचे सांगितले. यापुढे दरवर्षीच विद्यार्थी गौरव सोहळा आयोजनाचा विचार असल्याचे त्यांनी सांगितले. यावेळी मंत्री मायकल लोबो तसेच दिलायला लोबो यांच्याहस्ते ओशेल पंचायत क्षेत्रातील एकुण 34 विद्यार्थी- विद्यार्थीनींचा जाहीर गौरव करण्यात आला. सुरुवातीला समई प्रज्वलनाने कार्यक्रमाची सुरुवात झाली यावेळी सरपंच वंदना नार्वेकर यांनी पाहुण्यांचे शब्दरुपी स्वागत केले. पंच सदस्य मंगेश चोडणकर यांनी आपल्या प्रास्ताविक भाषणात ओशेल पंचायतीच्या इतिहासात स्थानिक विद्यार्थ्यांचा भव्य गौरव सोहळा घडवून आणण्यासाठी पुढाकार घेतलेल्या मंत्री मायकल लोबो तसेच दिलायला लोबो यांचे आभार मानले. कार्यक्रमाचे सुत्रसंचालन पत्रकार संतोष गोवेकर यांनी तर मंगेश चोडणकर यांच्या आभार प्रदर्शनाने कार्यक्रमाची सांगता झाली.

Related Stories

No stories found.
Dainik Gomantak | दैनिक गोमन्तक
www.dainikgomantak.com