पणजी : राज्यात गेल्या चार दिवसांपासून पावसाने विश्रांती घेतली. त्यामुळे काही दिवस उष्माही वाढला होता. मात्र, रविवारी राज्यात मुसळधार पावसाची शक्यता हवामान खात्याच्या गोवा वेधशाळेने वर्तविली आहे.
हवामान खात्याने रविवारी राज्यात यलो अलर्ट जारी केला आहे. गेल्या चार दिवसांपासून पावसाने उघडीप दिल्याने गेल्या चार दिवसांत राज्यात अवघा 10 मि.मी.पेक्षाही कमी पाऊस पडला. त्यामुळे महिनाभरानंतर गोवा राज्यात सूर्याचे दर्शन झाले. त्यासोबत काही प्रमाणात तापमानातही वाढ झाली. गेल्या 24 तासांत राज्यात 4.3 मि.मी. पावसाची नोंद झाली, तर आजपर्यंत एकूण 1,981 मि.मी. पावसाची नोंद झाली, जी सरासरी पावसाच्या तुलनेत 16.6 टक्के अधिक आहे.
पणजी येथे शनिवारी कमाल 30.4 अंश सेल्सिअस तर किमान 25.4 अंश सेल्सिअस तापमानाची नोंद झाली. शनिवारी रात्री राजधानी पणजीसह राज्याच्या काही भागांत पावसाच्या जोरदार सरी कोसळल्या. काही ठिकाणी किरकोळ पडझडही झाली. रविवारी पुन्हा यलो अलर्ट जारी केला असून मुसळधार पावसाचा इशारा दिला आहे. मात्र, रविवार सुटीचा दिवस असल्याने जनजीवनावर परिणाम होण्याची शक्यता कमीच आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
