Goa Rain Update: काल (22 मे) रात्रीच्या सुमारास राज्यभरात विविध ठिकाणी पावसाच्या सरी कोसळल्या. अनेक ठिकाणी वादळी वाऱ्यासह विजांचा गडगडाटही झाला.
यामुळे कुडचडे मतदारसंघातील झोरीवाडो बेठमोड्डी परिसरात एक विजेचा खांब पडल्याची माहिती समोर आली आहे. या विजेच्या खांबावर आंब्याचे झाड पडल्याचे खांबाचे नुकसान झाले आहे.
रस्त्याच्या मधोमध हा खांब आणि आंब्याचे झाड पडल्याने यामुळे वाहतुकीला मोठ्या प्रमाणात अडथळा निर्माण झाला आहे. वाहनचालकांनी लवकरात लवकर हा खांब रस्त्यावरून बाजूला करण्याची मागणी केली आहे.
व्हिडिओ पाहण्यासाठी खाली दिलेल्या लिंकवर क्लिक करा
दरम्यान, ग्रामीण भागात तर विजांचा लखलखाट आणि ढगांच्‍या गडगडाटासह पाऊस पडला. त्‍यामुळे वीजही ‘गुल’ झाली. परिणामी बहुतांश भागात काळोख पसरला होता. डिचोली, साखळी, वाळपई, कुळे, काणकोण, सांगे, फोंडा, सावर्डे येथे रात्री उशिरापर्यंत पाऊस सुरूच होता.
गेल्या अनेक दिवसांपासून उकाड्याने लोक हैराण झाले होते. त्यात कालपासूनच ढगाळ वातावरण होते. आज उष्णता आणखी वाढली होती. सर्वजण चातकासारखी पावसाची वाट पाहत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
