पणजी : राज्यात गेल्या दोन आठवड्यापासून जेवढ्या मुबलक प्रमाणात पाऊस बरसायला हवा होता तेवढा बरसला नाही. परंतु आज बुधवारपासून पुढील चार दिवस राज्यात जोरदार पावसाची शक्यता हवामान खात्याच्या वेधशाळेद्वारे वर्तवण्यात आली आहे.
पुढील चार दिवस राज्यात यलो अलर्ट जारी करण्यात आला आहे. येत्या 24 तासात राज्यात 6.4 से.मी मीटर म्हणजेच 2.5 इंच पाऊस पडण्याची शक्यता आहे. तर 5 आणि 6 ऑगस्ट रोजी पावसात अधिक वाढ होणार असून दिवसभरात प्रत्येकी 11.5 से.मी. म्हणजेच 4.5 इंच पाऊस बरसण्याची शक्यता वर्तविण्यात आली आहे. गेल्या 24 तासात 9.1 मिलीमीटर पावसाची नोंद झाली असून आजतागायत एकूण 2027 मिलीमीटर पावसाची नोंद झाली आहे.
मच्छिमारांना सतर्कतेचा इशारा
राज्यात सोमवारपासूनच नव्या मच्छीमार हंगामाला सुरुवात झाली आहे. मात्र पुढील पाच दिवसांसाठी गोवा तसेच कर्नाटक तटीय मच्छिमारांना सतर्कतेचा इशारा देण्यात आला आहे. पावसाच्या सरींसोबतच 40 कि.मी. प्रतितास वेगाने वारे वाहण्याची शक्यता आहे.
बंगालच्या उपसागरातील चक्रीवादळाची उपस्थिती तसेच सध्याच्या स्थानावरून शिअर झोनचे उत्तरेकडे सरकण्याच्या हालचालीमुळे मोठ्या प्रमाणात पावसाची शक्यता आहे. उद्या व परवा राज्यात पावसाचे प्रमाण कमी असेल. मात्र, शुक्रवार व शनिवारी पाऊस अधिक प्रमाणात असेल, अशी माहिती एम. राहुल यांनी दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
