Goa: परतीच्या पावसाच्या (Rain) कहर चालूच असून, गेल्या आठवड्यात तडाखा (Rain hit) दिलेल्या पावसाने आज पुन्हा एकदा आपले अस्तित्व दाखवून दिले. आज मंगळवारी पुन्हा तडाखा दिल्याने डिचोलीतील (Bicholim) काही भागात भातशेती आडवी (Paddy cultivation is wasted) झाली असून, यंदा भात पिकाची नासधूस अटळ असल्याची भिती व्यक्त होत आहे.
मागील आठवड्यातील पावसाच्या तडाख्यातून सावरलेला बळीराजा पावसाच्या अस्तित्वामुळे पुन्हा हतबल बनला आहे. आज सायंकाळी विजेच्या गडगडाटासह पावसाने डिचोलीतील बहूतेक भागात तडाखा दिला. पावसाच्या तडाख्यामुळे कापणीसाठी तयार झालेली मये आदी भागातील भात पिक पुन्हा आडवे झाले आहे. त्यामुळे बळीराजा पुन्हा हताश बनला आहे. परतीच्या पावसाचा तडाखा असाच चालू राहिल्यास हातातोंडाशी आलेल्या भातपिकाची नाशाडी ठरलेली आहे. अशी भिती शेतकरी व्यक्त करीत आहेत.
भातशेतीची नाशाडी अटळ
डिचोलीतील मये आदी भागातील भातशेती कापणीसाठी तयार झाली आहे. नवे केल्याने मये आदी भागातील भात कापणीचा मार्ग मोकळा झाला आहे. मात्र कापणी यंत्र उपलब्ध होत नसल्याने कापणी अडली आहे. त्यातच आज सायंकाळी जोरदार पर्जन्यवृष्टी झाल्याने शेतकऱ्यांच्या तोंडचे पाणी पळाले आहे. परतीच्या पावसाचा कहर चालूच असल्याने बळीराजा अस्वस्थ बनला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
