पणजी : जानेवारीतील ऐन हिवाळ्यात गेले तीन दिवस गोव्यात पावसाने हजेरी लावणे सुरू केले आहे. आज सकाळी गोव्यात सूर्यदर्शन झाले नाही. मध्यरात्रीपासून पावसाने जोरदार पकडला होता. पावसाचा जोर पहाटे पाच वाजण्याच्या दरम्यान कमी झाला असला, तरी पावसाची रिपरिप सकाळी आठ वाजेपर्यंत कायम असल्यामुळे हवेत गारवा पसरला होता. पावसामुळे सकाळी चालण्यास घराबाहेर पडणाऱ्यांना स्वेटरऐवजी रेनकोट घालावे लागले.
अवेळी पडणाऱ्या या पावसाचा मोठा फटका आंबा व काजू बागायतदारांना बसणार आहे. सध्या आंबे व काजूची झाडे मोहरली आहेत. पावसामुळे कोवळा फुलोरा गळून पडत आहे तर पक्व होणारा मोहोर एक प्रकारच्या बुरशीमुळे काळा पडणार आहे. यंदा पाऊस लांबल्याने मोहोर उशिरा आला होता त्यात जानेवारीत पावसाने जोर पकडल्याने आंबा व काजू पीक हातचे जाण्याची वेळ आली आहे.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.