पणजी : गोव्याला कोरोना नियंत्रणाच्या मोहिमेत आज पुन्हा एकदा दिलासा मिळाला. गेल्या 24 तासात एकाही कोरोना संसर्ग झालेल्या व्यक्तीचे निधन झाले नाही. आरोग्य खात्याने दिलेल्या माहितीनुसार, 27 फेब्रुवारीला रोजी 61 व्यक्ती कोरोना संसर्ग झालेल्या आढळल्या. तर आज 50 व्यक्ती कोरोना संसर्गमुक्त झाल्या. कोरोनावर उपचार घेणाऱ्यांची संख्या 498 झाली असून, कोरोना संसर्ग झालेल्या व्यक्ती बरे होण्याची टक्केवारी 97.47 वर पोहोचली आहे.
दरम्यान, 26 फेब्रुवारीला गोव्यात 25 फेब्रुवारीपेक्षा दुप्पट म्हणजेच, 100 कोरोना रूग्ण आढळले होते. त्यामुळे, काल दिवसभरात सापडलेली कोरोना रूग्णसंख्या ही दिलासादायक आहे. महारष्ट्र-कर्नाटकात वाढलेल्या कोरोनाच्या पार्श्वभूमीवर याचा परिणाम गोव्यातील रूग्णसंख्येवर होण्याची भिती वर्तवली जात आहे. महाराष्ट्र-कर्नाटकातून मोठ्या प्रमाणावर पर्यटक गोव्यात फिरायला येतात. या पर्यटकांनी कोरोना नियमांचे पालन न केल्यास, त्याचा फटका गोव्याला बसण्याची शक्यता आहे. त्यामुळे, मुख्यमंत्री प्रमोद सावंत यांनी सर्वांना कोरोना नियमावलीचे पालन करण्याच्या सूचना केल्या आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.