गोव्यात गुरूवारी (दि.24) दिवसभरात केवळ सात नव्या कोरोनाबाधित रूग्णांची नोंद झाली असून, दहा कोरोनामुक्तांना डिस्चार्ज देण्यात आला आहे. गोव्यात सलग तिसऱ्या दिवशी सात रूग्णांची नोंद झाली असून, तीन दिवसांत 21 रूग्णांची वाढ झाली आहे. यासह राज्यातील सक्रिय कोरोना बांधितांची संख्या देखील कमी झाली असून, सध्याच्या घडीला राज्यात 45 कोरोना बाधित रूग्णांवर (Active Corona Cases In Goa) उपचार सुरू आहेत.
गोवा आरोग्य विभागाच्या (Goa Health Department) वतीने प्रसिद्ध करण्यात आलेल्या आकडेवारीनुसार, गोव्यात आजवर 2 लाख 59 हजार 003 जणांना कोरोनाची बाधा झाली आहे. त्यापैकी 2 लाख 54 हजार 945 कोरोनामुक्तांना डिस्चार्ज देण्यात आला आहे. राज्यात आजवर राज्यात 4,013 जणांचा कोरोनामुळे मृत्यू झाला आहे. आज दिवसभरात 427 प्रयोगशाळा नमूने तपासण्यात आले आहेत. राज्याचा रिकव्हरी रेट वाढून 98.43 टक्के एवढा झाला आहे.
दिलासादायक बाब म्हणजे गोव्यात मागील अनेक दिवसांपासून कोरोना संबधित मृत्यूची नोंद झाली नाही. राज्यात मोठ्या प्रमाणावर झालेले कोरोना प्रतिबंधक लसीकरण आणि जनजागृती यामुळे कोरोना संसर्ग कमी झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
