गोव्यातील कोरोना संसर्गाचा जोर ओसरत आहे. आज दिवसभरात 37 नव्या रूग्णांची नोंद झाली असून, 41 कोरोनामुक्तांना डिस्चार्ज देण्यात आला आहे. राज्यात आज 880 प्रयोगशाळा नमुने तपासण्यात आले. राज्यातील सक्रिय कोरोनाची संख्या घटली आहे. सध्या गोव्यात 249 सक्रिय कोरोना रूग्णांवर उपचार सुरू आहेत. गोव्याचा रिकव्हरी रेट वाढून 98.37 टक्के एवढा झाला आहे.
गोवा आरोग्य विभागाच्या वतीने प्रसिद्ध करण्यात आलेल्या आकडेवारीनुसार, गोव्यात आजवर 2 लाख 58 हजार 054 जणांना कोरोनाची बाधा झाली आहे. त्यापैकी 2 लाख 53 हजार 839 कोरोनामुक्तांना डिस्चार्ज देण्यात आला आहे. मागील तीन आठवड्यात राज्यात एकाही कोरोना रूग्णाच्या मृत्यूची नोंद झालेली नाही. आजवर राज्यात 3,966 जणांचा कोरोनामुळे मृत्यू झाला आहे.
देशात 40,750 सक्रिय कोरोना रूग्ण
देशातील कोरोना रूग्णांची संख्या देखील कमी झाली आहे. गेल्या 24 तासांत 4,256 नव्या कोरोना रूग्णांची नोंद झाली असून, 4,474 जणांना डिस्चार्ज देण्यात आला आहे. सध्याच्या घडीला देशात 40,750 सक्रिय कोरोना रूग्णांवर उपचार सुरू आहेत. गेल्या 24 तासांत 11 कोरोना रूग्णांचा मृत्यू झाला आहे. आजवर देशात 5 लाख 28 हजार 611 कोरोना रूग्णांचा मृत्यू झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
