Rumdamol Murder Case मडगाव,रुमडामळ-दवर्ली येथील सादिक बेळ्‍ळारी खून प्रकरणातील फरार संशयित जावेद पानवाले आणि सुलेमान या दोघांना मायणा-कुडतरी पोलिसांनी आज (बुधवारी) अटक केली. हा खून झाल्‍यानंतर हे दोघे फरार झाले होते.
दोन दिवसांपूर्वी मायणा-कुडतरी पोलिसांनी जावेदचा भाऊ रियान याला याप्रकरणी अटक केली होती. आतापर्यंत या प्रकरणात पोलिसांनी पाचजणांना अटक केली असून एक संशयित अजूनही फरार आहे.
1सप्‍टेंबर रोजी सादिकचा खून करण्‍यात आला होता. सुरवातीला या प्रकरणात कादर खान आणि तौसिफ कडेमणी या दोघांना अटक केली होती. हा खून कादर खान याने केला असला, तरी या खुनाचे कारस्‍थान रचण्‍यात इतर संशयितांचे संंबंध असल्‍याचे उघड झाले आहे.
जावेद पानवाले आणि सुलेमान या दोघांना या खुनाच्‍या कटात सामील असल्‍याच्‍या आरोपावरून पोलिसांनी अटक केली आहे.
गर्द झाडीत टाकला कोयता
हा खून करण्‍यासाठी ज्‍या कोयत्‍याचा वापर केला, तो पाडी येथील जंगलातून पोलिसांनी जप्‍त केला. खून केल्‍यानंतर कादर खान आणि तौसिफ हे दुचाकीवरून सौनूरला गेले होते.
वाटेत पाडी येथे त्‍यांनी हा कोयता गर्द झाडीत टाकून दिला. मंगळवारी मायणा-कुडतरी पोलिसांनी आराेपींनी दाखविलेल्‍या ठिकाणी जाऊन हा कोयता जप्‍त केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
