Goa Sand extraction: पुराव्यांनिशी माहिती देऊनही कारवाई नाही

पर्यावरणप्रेमींची खंत: वाळू माफियांमुळे जनतेत दहशत
Goa Sand extraction: पुराव्यांनिशी माहिती देऊनही कारवाई नाही
Sand extraction in GoaDainik Gomantak

पणजी: न्यायालयाने निर्णय देऊन सुद्धा राज्यात अवैधरित्या रेती उपसा अजूनही सुरूच आहे. गोमन्‍तक टीव्हीच्या ‘सडेतोड नायक’ या कार्यक्रमांमध्ये या मुद्द्यावर दिलेल्या विशेष मुलाखतीमध्ये रेती उपसावर आवाज उठवणारे विराज बाक्रे आणि पर्यावरणप्रेमी अभिजीत प्रभुदेसाई यांनी आपले मत नोंदवले आहे. त्यात त्यांनी आपण सर्व पुराव्यांनिशी सरकारला माहिती देऊनसुद्धा या प्रकरणावर कोणत्याही प्रकारची कारवाई होत नसल्याने नाराजी व्यक्त केली.

Sand extraction in Goa
गोमेकॉ प्रवेशद्वारासमोरील ‘सब-वे’ मृत्यूचा सापळा

प्रभुदेसाई म्हणाले की, वाळू माफियांमुळे सामान्य जनतेमध्ये दहशतीचे वातावरण निर्माण झाले आहे. त्यांच्याविरुद्ध आवाज उठवण्याची कोणाचीही हिंमत होत नाही. याचे कारण म्हणजे हे लोक सामान्यांना धमकवण्यातही मागे पडत नाहीत. रेती उपसामध्ये शेकडो कोटींची उलाढाल केली जाते. पण यावर कोणत्याही प्रकारचा कर आकारला जात नाही. यामुळेच सरकारचे लाखो कोटी रुपयांचे नुकसान होत आहे.

शिवाय या सततच्या वाळू उपसामुळे याचा एकंदरीत परिणाम गोव्याच्या पर्यटन क्षेत्रावर सुद्धा होत आहे. ही महत्त्वाची बाब असून सरकारने यावर गंभीर विचार करणे गरजेचे आहे. कोणतीही गोष्ट प्रमाणामध्ये झाल्यास त्याचा परिणाम पर्यावरणावर होणार नाही. पण आत्ता सुरू असलेला वाळू उपसा थांबणे गरजेचे आहे कारण नदीमध्ये येत असलेली वाळू ही डोंगरवरून येत असते. या सगळ्याची विशिष्ट अशी एक प्रक्रिया असते. मात्र सध्याच्या परिस्थितीमुळे नदीतील वाळूचे प्रमाण दिवसेंदिवस घटत चालले आहे. त्यामुळे निदान पुढील काही वर्षे गोव्यातील वाळू उपसा थांबवला गेला पाहिजे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.