Sangmpur Lottery Coupon: संगमपूर गणेशोत्सवाच्या सोडत कुपनसाठी भाविकांची गर्दी, अवघ्या एकवीस दिवसांत कुपन संपल्या

हे राज्यातील दुसऱ्या क्रमांकाचे मंडळ आहे
Sangmpur Lottery Coupon
Sangmpur Lottery CouponDainik Gomantak

Sangmpur Lottery Coupon सांगे येथील संगमपूर सार्वजनिक गणेशोत्सव मंडळ यंदा आपला साठावा सार्वजनिक उत्सव साजरा करीत आहे. राज्यातील दुसऱ्या क्रमांकाचे मंडळ आहे. या मंडळाने काढलेली सोडत कुपन यंदा अवघ्या एकवीस दिवसांत संपल्याने खास पत्रकार परिषद घेऊन गणेशभक्तांचे आभार मानले.

यावेळी मंडळाचे अध्यक्ष रूपेश नाईक म्हणाले की, साठ हजार कुपन अवघ्या एकवीस दिवसांत विकली गेली आहेत. अजून चतुर्थीला दहा दिवस व चतुर्थीचे अकरा दिवस म्हणजे निकालाला एकवीस दिवस बाकी असताना सर्व कुपन विक्री झाल्या आहेत.

Sangmpur Lottery Coupon
Teacher's Day In Curchorem: शिक्षण मिळवावे पण नुसतेच साक्षर बनण्यासाठी नव्हे : कामत

सोडत कुपनावर ट्रक, बस, महागडी वाहने भेट देण्याची परंपरा कायम राखत यंदा प्रथम बक्षीस जेसीपी यंत्र ठेवले आहे. त्यामुळे सोडत कुपनाना मागणी वाढली. इतक्या लवकर कुपन विक्री होईल याचा मंडळाला अंदाज नव्हता, असे रूपेश नाईक यांनी सांगितले.

मंडळाचे खजिनदार ॲड. तुषार करमळकर म्हणाले की, मंडळाने यंदा विजेत्यांना गिफ्ट टॅक्स माफ केला आहे. पुढील वर्षी गिफ्ट टॅक्स बरोबरच गाडीचा विमा, रोड टॅक्स भरून एक रुपया सुद्धा न भरता बक्षीस घेऊन जाण्याची योजना आखली जाणार असल्याचे स्पष्ट केले.

Sangmpur Lottery Coupon
Goa Cabinet Decisions: युनिटी मॉलसाठी 10 हजार चौरस मीटर जमिन; शॅक धोरण, खनिज डंप धोरणाला मंजुरी

सचिव लक्ष्मण नाईक म्हणाले की, अपेक्षेपेक्षा अधिक प्रतिसाद मिळाल्याने मंडळ सर्वांना धन्यवाद देत आहे. या पुढेही मंडळाला असेच सहकार्य करण्याचे आवाहन त्यांनी केले. यंदाच्या गणेशोत्सवात राज्यातील कलाकारांना संधी देण्यासाठी मंडळाने कार्यक्रमांचे आयोजन केल्याचे सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com