Goa News: सांगे, धारबांदोडा तालुक्यातील शेतकऱ्यांच्या बागायतीतील नारळ घेत नसल्याने शेतकऱ्यांनी नाराजी व्यक्त केली आहे. सांगे येथील शांताराम गावकर म्हणाले, की गोव्यात मोठ्या प्रमाणात केरळातील नारळ येत आहेत.
गोव्यात येणारा केरळाचा नारळ बंद करावा व गोव्यातील शेतकऱ्यांचा नारळ बागायतदारने घ्यावा. माझ्याजवळ दोन हजार नारळ आहेत त्यासाठी मी फोंडा (Ponda) व कुडचडे यार्डातील बागायतदारमध्ये गेलो व नारळ देण्याचे सांगितले तेव्हा आम्ही सध्यातरी नारळ घेणार नसल्याचे उत्तर मिळाले.
स्वस्त दरात सुद्धा आम्ही बागायतदारमध्ये नारळ घालण्यास तयार आहे, पण ते घेण्यास बागायतदार तयार नसल्याने आम्ही त्या नारळांचे काय करावे, असा प्रश्न आमच्यापुढे आहे, असेही या शेतकऱ्याने सांगितले.
दाभाळ येथील शेतकरी वरद सामंत म्हणाले, की गोव्यातील काही शेतकऱ्यांच्या बागायतीत लाखो नारळ पाढा करतेवेळी पडायचे ते सर्व नारळ (Coconut) बागायतीत न घालता बाहेरच्या बाहेर घालायचे. जेव्हा सरकारने नारळाला योग्य दर व काही प्रमाणात अनुदान द्यायला सुरुवात केली तेव्हा लाखो नारळ बागायतदारमध्ये यायला लागले. आताही बागायतदाराने शेतकऱ्यांचा विचार करावा, असे सामंत यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
