World Toilet Day 2022: सत्तरीत एकूण 90 टक्के नागरिक शौचालयांचा वापर करतात. तसेच इतर ग्रामीण भागात अजूनपर्यंत काही नागरिक उघड्यावर शौच करतात. गेल्या वर्षी सत्तरी तालुक्यातील 12 पंचायतींत गोवा वेस्ट मॅनेजमेंट योजनेअंतर्गत (पीडब्ल्यूडी) सुमारे 2474 शौचालयांची सुविधा नागरिकांना प्राप्त झाली आहे.
त्यात भिरोंडा 199, खोतोडा 205, ठाणे-डोंगुर्ली 128, गुळेली 128, होंडा 328, म्हाऊस 95, मोर्ले 223, नगरगाव 179, पिसुर्ले 183, पर्ये 329, केरी 240, सावर्डे २३७ शौचालये बांधण्यात आलेली आहेत. तसेच अजून सत्तरीतील सर्व पंचायतींतून सुमारे 1200च्या वर नवीन शौचालयांसाठी अर्ज करण्यात आले आहेत. ग्रामीण भागात 2,474 बायोडायजेस्ट शौचालये उभारण्यात आलीत.
ग्रामस्थांचे पैसे परत करा
जेव्हा गोवा वेस्ट मॅनेजमेंट योजनेअंतर्गत ही योजना अमलात आणली गेली तेव्हा सत्तरीतून एकूण 2,474 जणांनी याचा लाभ घेतला. त्यावेळी नागरिकांनी हे सर्व पैसे भरले होते. मात्र, ज्या नागरिकांनी जास्त पैसे भरले होते. त्या नागरिकांचे पैसे सरकारतर्फे अजूनपर्यंत परत करण्यात आलेले नाहीत. पैसे परत करा, अशी मागणी नागरिक करतात.
"दरवर्षी प्रत्येक प्रभागात योजनेअंर्तगत गरिबांसाठी 5 ते 7 शौचालये बांधतो. ज्या कुटुंबांना खरीच गरज आहे त्यांनाच या योजनेचा लाभ दिला गातो. आताही नवीन अर्ज आलेले आहेत. तसेच काहींचे जुने व मोडकळीस आलेले शौचालयही दुरुस्त करून दिलेले आहेत."
- सेहझीन शेख, वाळपई नगराध्यक्ष
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
