परवानगीविना शाळा सुरू कराल तर होणार कारवाई!

सरकारचे परिपत्रक : पहिली ते सहावीपर्यंतचे वर्ग सुरू करण्यास अटकाव
Goa School परवानगीविना शाळा सुरू कराल तर होणार कारवाई!
Goa School परवानगीविना शाळा सुरू कराल तर होणार कारवाई!Dainik Gomantak

पणजी: राज्यातील सर्व शाळांना (School) फक्त 7 वी व 8 वीचे प्रत्यक्ष वर्ग सुरू करण्यासंदर्भातील परिपत्रक काढले असले तरी काही शाळा व्यवस्थापनांनी 6 वीसह इतर इयत्तांचेही वर्ग सुरू केले आहेत. त्यामुळे शिक्षण संचालक भूषण सावईकर यांनी आज नव्याने परिपत्रक काढून परवानगीशिवाय इतर इयत्तांचे वर्ग (Goa School) सुरू करणाऱ्या शाळांविरुद्ध कारवाईचा इशारा दिला आहे.

Goa School परवानगीविना शाळा सुरू कराल तर होणार कारवाई!
गोव्यात वाहतूक कोंडीची समस्या आणखी तीन आठवडे कायम

सरकारने (Government) यापूर्वीच 9 वी ते 12 वीचे प्रत्यक्ष वर्ग सुरू करण्यास परवानगी दिल्यानंतर 25 नोव्हेंबरपासून 7 वी व 8 वीचे वर्ग सुरू करण्यास परवानगी दिली. त्यामुळे शाळा व्यवस्थापनांनी 7 वी ते 12 वीचे प्रत्यक्ष वर्ग सुरू केले आहेत. मात्र, काही शाळांनी इतर वर्गही सुरू केल्याने त्याची दखल शिक्षण खात्याने घेतली आहे.

कोरोना (Corona) विषयक कृती दल समितीच्या बैठकीत राज्यातील पहिली ते आठवीपर्यंतच्या शाळा सुरू करण्याची शिफारस केली होती. मात्र मुख्यमंत्र्यांनी त्यावरील निर्णय प्रलंबित ठेवला आहे. पालक-शिक्षक संघटना, शाळा व्यवस्थापन, राजकीय पक्ष तसेच विविध क्षेत्रांतील घटकांशी चर्चा करून पुढील निर्णय घेण्याचे त्यांनी सूचित केले होते. राज्यातील कोरोना संसर्ग नियंत्रणात असला तरी सावधगिरी म्हणून 25 नोव्हेंबरपासून 7 वी व 8 वीच्या वर्गांना परवानगी देताना हायब्रीड पद्धतीची मुभा ठेवली होती.

Goa School परवानगीविना शाळा सुरू कराल तर होणार कारवाई!
Goa Taxi: मीटरसाठी नोंदणी करूनही चालकांची सतावणूक

7 ते 12 पर्यंचे वर्ग सुरू करण्यास शिक्षण खात्याने परवानगी दिली, पण काही ठिकाणी पहिलीपासूनच वर्ग सुरू करण्याची तयारी सुरू आहे. काही शाळांत खोल्याची संख्या कमी आहे. पुरेशी वाहतूक व्यवस्थाही नाही. अशा परिस्थितीत छोट्या विद्यार्थ्यांना शाळेत बोलविणे चुकीचे आहे.

मुलांच्या लसीकरणाचे काय?: शाळा-महाविद्यालयांमधील काही वर्ग सुरू झाले असले तरी शालेय विद्यार्थ्यांच्या लसीकरणाबाबत शासकीय पातळीवरून अद्याप कोणत्याही हालचाली झालेल्या नाहीत. जरी शाळा व्यवस्थापन काळजी घेत असले तरी लसीकरण झाले नसल्याने पालकांना पाल्यांची चिंता भेडसावत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com